У 2015 годзе арганізацыі з 38 краін мелі права для супрацоўніцтва і суперніцтва ў барацьбе за фінансаванне, але і арганізацыі з трэціх краін мелі магчымасць паўдзельнічаць у абедзвюх падпраграмах.

«Крэатыўная Еўропа» складаецца з дзвюх падпраграм:

• «Культура», у рамках якой прадугледжана прасоўванне крэатыўнага і культурнага сектараў;

• «МЕДЫЯ», якая забяспечвае падтрымку развіцця і распаўсюджвання аўдыявізуальных твораў.

Па меншай меры 56% бюджэту прыпадае на падпраграму «МЕДЫЯ».

Каля 31% плануецца выдзяліць на падпраграму «Культура».

Яшчэ 13% адведзена на новы напрамак – міжсектаральнае ўзаемадзеянне, рэалізацыя якого запланавана на 2016 год. Ён уключае фінансавае забеспячэнне для прадстаўніцтваў праграмы «Крэатыўная Еўропа» (Creative Europe Desks) і рэалізацыю механізма фінансавай гарантыі.

На дадзены момант існуе каля 18 каналаў (іх часта называюць «схемы» або «напрамкі»), па якіх даецца магчымасць фінансавання ў рамках «Крэатыўнай Еўропы», кожны з якіх ахоплівае асобны сектар ці від дзейнасці. Даведайся больш падрабязна.

«Крэатыўная Еўропа» будзе аказваць фінансавую падтрымку толькі тым праектам, якія выконваюць пастаўленыя перад ёй задачы, а менавіта:

• умацаванне сектара і нарошчванне патэнцыялу;

• фарміраванне аўдыторыі;

• рапрацоўка новых бізнес-мадэляў;

• стварэнне і падтрымка віртуальных праектаў.

Праекты, што адпавядаюць дадзеным задачам, павінны таксама спрыяць дасягненню прыярытэтных мэтаў «Крэатыўнай Еўропы», якія ўключаюць:

• умацаванне патэнцыялу сектара ў плане функцыянавання на міжнацыянальным узроўні;

• стымуляванне міжнацыянальнага распаўсюджвання твораў і аператараў, а таксама заваяванне новых аўдыторый як у Еўропе, так і за мяжой;

• заахвочванне выкарыстання інавацыйных падыходаў і крэатыўнасці;

• умацаванне фінансавага патэнцыялу сектара;

• умацаванне механізмаў прыняцця рашэнняў.