– Вячаслаў, як у кампаніі velcom разумеюць «карпаратыўную сацыяльную адказнасць»?

– КСА – гэта клопат пра грамадства, у якім мы працуем. Мы стараемся клапаціцца пра ўсіх грамадзян краіны, а не толькі пра сваіх абанентаў. [I] У 2015 годзе velcom вызначыў для сябе два напрамкі карпаратыўнай сацыяльнай адказнасці. Па–першае, гэта – «падтрымка нацыянальнай самаідэнтыфікацыі». Гэты напрамак уключае ў сябе і падтрымку нацыянальнай культуры. Па–другое, дапамога дзецям, – таленавітым, якія жывуць у нястачы, г.зн. «Дапамога» ў самым шырокім сэнсе гэтага слова.

– Які механізм для вызначэння гэтых напрамкаў быў выкарыстаны ўнутры кампаніі?

– Гэтыя напрамкі мы абралі не раптоўна, і не аднаасобным рашэннем топ–мэнэджараў, а асаблівым дэмакратычным шляхам. Кіраўнікі некалькіх узроўняў прапаноўвалі варыянты і галасавалі за канкрэтныя напрамкі КСА. Вядома, што яны ў сваю чаргу, раіліся са сваімі падначаленымі і калегамі.

– Якімі сродкамі вы падтрымліваеце нацыянальную ідэнтычнасць і нацыянальную культуру, у прыватнасці?

– Культура, безумоўна, займае значнае месца ў тэме нацыянальнай самаідэнтыфікацыі. Мы стараемся рэалізаваць праекты ў розных напрамках, – гісторыя, мастацтва, музыка.

У 2015 годзе ў рамках праекта «Класіка каля Ратушы з velcom», у плыні чатырох летніх субот мы запрашалі ўсіх мінчан на канцэрты класічнай музыкі пад адкрытым небам, у праграму былі ўключаны і творы беларускіх кампазітараў.

velcom даўно супрацоўнічае з Нацыянальным гістарычным музеем Беларусі, а таксама з нашымі суседзямі – музеем «Дом Ваньковічаў». Гэты музей–сядзіба бліжэйшы да нашага офісу культурны аб'ект, у самым прамым, геаграфічным сэнсе. Будынак і двор сядзібы знаходзіцца прама праз дарогу ад нашага цэнтральнага офіса. Гэта, дарэчы, цікавы трэнд сучаснага КСА, калі кампаніі супрацоўнічаюць і клапоцяцца не толькі пра грамадства ў цэлым, але і цесна ўзаемадзейнічае са сваім непасрэдным асяроддзем.

У верасні 2015 года сумесна з музеем «Дом Ваньковічаў» мы правялі музычны дзіцячы фестываль класічнай музыкі «класіка з velcom. Новае музычнае пакаленне». У двары гістарычнай сядзібы ўсталявалі сцэну, і таленавітыя дзеці выступалі прама тут, насупраць офіса кампаніі velcom. Мне прыемна думаць, што для многіх дзяцей гэтая была першая публічная сцэна, якая стане для іх пропускам у свет вялікага мастацтва. Тут яны ўпершыню прадставілі публіцы сваю творчасць.

Яшчэ адзін цікавы праект кампаніі velcom – «1000 музеяў Беларусі». Па нашаму заказу быў створаны цыкл з 25 ролікаў пра самыя папулярныя і пазнавальныя музеі Беларусі. Цяпер гэтыя ролікі дэманструюцца ў эфіры Першага канала беларускага тэлебачання. Але, акрамя таго, людзі дзеляцца гэтым відэа ў сацыяльных сетках, так што іх аўдыторыя пастаянна расце. Мушу прызнацца, мы не чакалі такой маштабнай цікавасці.

– Якая асноўная мэта была пры рэалізацыі гэтага праекта? Як адбіраліся музеі? Чаму менавіта гэтыя ўстановы культуры былі абраныя?

– У музеях сабрана нацыянальная спадчына. Вельмі важна данесці да людзей, якія музеі існуюць, і што там можна адкрыць для сябе цэлы пласт беларускай гісторыі і культуры, – для многіх гэта дзіўна.

– Для вас асабіста быў нейкі музей адкрыццём у працэсе гэтай працы?

– Так, мне вельмі спадабаўся ролік пра адкрыты Музей народнай архітэктуры і побыту, які знаходзіцца ў в.Строчыцы, пад Мінскам. Пасля таго, як я паглядзеў ролік, сам з'ездзіў туды. Гэта на самай справе аўтэнтычна, цікава, насычана, ярка. Як і ўся беларуская культура.

– Праекты ў галіне культуры не такія «спагадныя», як праца з дзецьмі. Акрамя таго, трэба разбірацца ў трэндах, мець густ і г.д. З чаго пачаць кампаніі, якая хоча падтрымаць сучаснае мастацтва ў рамках КСА?

– На 10 паверсе нашага офіснага будынка размешчана вялікая выстава сучасных мастакоў. Экспазіцыя мяняецца кожны месяц. Гэта галерея для нашых супрацоўнікаў. Такім чынам мы выказваем прыхільнасць сучаснаму беларускаму мастацтву.

У красавіку–сакавіку гэтага года 12 сучасных беларускіх мастакоў, пры падтрымцы кампаніі velcom пакажуць свае працы і інсталяцыі ў Мінску. Паралельна з выставай пройдуць майстар–класы, удзельнікі якіх атрымаюць ведаў пра contemporary art. Гэта прыклады нашай працы.

Цікава, што ў нас ёсць праект для дзяцей, якія пакутуюць аўтызмам. У рамках гэтага праекта была створана праграма для смартфона або планшэта "Камунікатар для дзяцей і дарослых з аўтызмам", якая дапамагае мець зносіны дзецям з гэтай хваробай. Зносіны для такіх людзей – гэта вельмі вялікая праблема. Праграма–камунікатар была прадстаўлена шырокай грамадскасці тут, у офісе кампаніі. У дзень прэзентацыі ўсе карціны ў нашай галерэі былі заменены працамі дзяцей з гэтай хваробай. Бо яны таксама малююць, фатаграфуюць і вельмі нядрэнна, таленавіта. Мы стараемся выкарыстоўваць розныя падыходы і магчымасці для прыцягнення ўвагі да гэтай тэмы.

Кампанія velcom матывуе сваіх супрацоўнікаў да ўдзелу ў нашых некамерцыйных сацыяльных праектах. А таксама запрашаем да ўдзелу ў валанцёрскай працы. Гэта, вядома, добраахвотна.

Напрамкі нашага знешняга і ўнутранага КСА развіваюцца паралельна. На мой погляд, гэта вельмі добра і правільна, паколькі фарміруе агульныя каштоўнасці кампаніі, у якой зараз працуе каля 1 800 чалавек.

– Як арганізаваць падобную працу іншым кампаніям?

– Для рэалізацыі некаторых праектаў мы запрашаем прафесійныя агенцтвы, якія здольныя рэалізаваць праект па нашаму заказу. Аднак арганізацыйны і ідэйны пачатак заўсёды за намі, а таксама кантроль за сэнсавым напаўненнем і рэалізацыяй.

Выбіраючы праекты, мы абапіраемся на экспартны патэнцыял нашых партнёраў. У іх ёсць канкрэтныя прапановы – з чымсьці мы пагаджаемся, з чымсьці не. Праекты КСА – гэта заўсёды калектыўная праца.

– На Ваш погляд, калі кампанія прыходзіць да асэнсавання таго, што важна не толькі зарабляць, але і дзяліцца? На якім этапе, ці ўзроўні прыбытку прыходзіць гэта разуменне?

– Я думаю, што справа не ў грошах, а ў ментальнасці. Многія кампаніі займаюцца КСА з самага пачатку свайго існавання, паколькі гэтая дзейнасць будуе імідж, фарміруе вобраз кампаніі на рынку. Зараз вельмі многія, выбіраючы месца працы, звяртаюць увагу на праекты, якія кампанія вядзе ў галіне карпаратыўнай сацыяльнай адказнасці. Калі інтарэсы кампаніі супадаюць з інтарэсамі канкрэтнага супрацоўніка, то прыходзіць усведамленне, што гэта "яго" кампанія. Многія, звяртаючыся ў кадравую службу velcom, кажуць: "мне падабацца тое, што вы робіце, я хачу працаваць у вас".

* Абанентамі кампаніі velcom на сённяшні дзень з'яўляюцца каля 5 млн. чалавек.