Նախամասնագիտական փորձ Եվրոպական Միության՝ Արևելյան գործընկերության «Մշակույթ և ստեղծարարություն» ծրագրի գրասենյակում

Եվրոպական Միության՝ Արևելյան գործընկերության «Մշակույթ և ստեղծարարություն» ծրագրի տարածաշրջանային գրասենյակը հայտարարում է մրցույթ փորձնակ մասնագետի /intern/ թափուր աշխատատեղի համար: Աշխատանքի տևողությունը 6 ամիս է: Փորձնակի պարտավորությունն է աջակցել ծրագրի ազգային համակարգողին գրասենյակային և ծրագրի հաղորդակցության հետ կապված հարցերում:

Աշխատավայրը` ք. Երևան, Հայաստան

Աշխատանքային ժամեը` օրական 4 ժամ, երկուշաբթիից-ուրբաթ

Փորձաշրջանի սկիզբը` հունվարի 23, 2017թ.

Տևողությունը` 6 ամիս / օրական 4 ժամ/

Աշխատանքային պայմանները՝ աշխատանքը վճարովի է, և հավակնորդը պետք է աշխատի իր անձնական օգտագործման դյուրակիր համակարգչի վրա:

Պահանջվող որակավորում և հմտություններ

Հավակնող թեկնածուն պետք է՝

  • լինի վերջին կուրսի ուսանող կամ նախագծի կառավարման, միջազգային հարաբերությունների, հասարական կապերի, արվեստի կառավարման ֆակուլտետի շրջանավարտ:

  • նախկինում ներգրավված լինի մշակութային ծրագրերում կամ հետաքրքրված լինի նման ծրագրերով:

  • գերազանց տիրապետի հայերենին և անգլերենին:

  • կարողանա վարժ հաղորդակցվել թե բանավոր, թե գրավոր:

  • կարողանա արդյունավետ լուծել իր առջև դրված խնդիրները և ունենա թե ինքնուրույն, թե թիմային աշխատանքի հմտություններ:

  • պատրաստ լինի կատարել գրասենյակային տարբեր բնույթի առաջադրանքներ:

Աշխատանքային պարտականություններ
  • Ֆեյսբուք սոցիալական ցանցում ծրագրի փակ խմբերում ծրագրային նորությունների և նյութերի զետեղում, ընթացիկ լրահոսի թարմացում:

  • Ծրագրի գործընկերների հետ ամսական կտրվածքով հեռախոսազրույցների վարում:

  • Ծրագրի առաջխաղացման և հաղորդակցության հարցերի աջակցություն:

  • Ծրագրի տվյալների բազայի թարմացում և պահպանում:

  • Ծրագրի ազգային համակարգողի հետ համաձայնեցված թիմի այլ անդամների աջակցություն:  

Ինչ ձեռքբերումներ կունենա փորձնակը փորձաշրջանի ավարտին.
  • Վերապատրաստում թիմի ողջ անձնակազմի կողմից:

  • Եվրոպական միության ծրագրերում աշխատելու փորձ:

  • Վկայական և երաշխավորագիր ծրագրի կողմից:

  • Աշխատանքային հանդիպումներ կամ դասընթացներ հաճախելու հնարավորություն:

  • Միջազգային կազմակերպությունում աշխատելու փորձ:

  • Կապեր նորահայտ մշակութային և ստեղծարար ոլորտներում:

 

Հետարքրքրված թեկնածոները կարող են ուղարկել իրենց ինքնակենսագրականը /CV/ և ուղեկցող նամակը /ոչ ավել քան 1 A4 էջ ծավալով/ armenia@culturepartnership.eu հասցեին` նամակի վերնագրի դաշտում նշելով այն պաշտոնը, որին հավակնում են (Intern) և իրենց ազգանունը: Հայցադիմումների վերջնաժամկետը սույն թվականի դեկտեմբերի 31-ն է, ժամը`23.59: Ձեր հարցերը կարող եք հղել armenia@culturepartnership.eu էլեկտրոնային հասցեով:

Other interesting stories: