ზოგადად, კულტურის სტრატეგიების უმეტესობა მოიცავს შემდეგ სფეროებს:  

• კულტურული შინაარსის შექმნა, წარმოება, გავრცელება და დაცვა/შენარჩუნება - როგორ უნდა მოხდეს აქტიური კულტურული ცხოვრების უზრუნველყოფა?
• შინაარსი და ინფრასტრუქტურა - როგორ დავიცვათ ბალანსი ისე, რომ შევინარჩუნოთ კულტურული ინფრასტრუქტურა და თან შევავსოთ იგი ადამიანებით და აქტივობებით?
• კულტურული ინსტიტუტები და არა-სამთავრობო სექტორის როლი - როგორ უნდა მოხდეს სახელმწიფო ინსტიტუტების მხარდაჭერა და ამავდროულად კერძო სექტორისა და დამოუკიდებელი აქტივობების განვითარებისთვის პირობების შექმნა?
• ხელფასები და სოციალური გარანტიები - როგორ უზრუნველვყოთ კულტურის სფეროს პროფესიონალების დასაქმება და როგორ შევაფასოთ მათი მუშაობა?
• კულტურის დაფინანსების მექანიზმები - როგორ დავაფინანსოთ კულტურა და სახელმწიფო დაფინანსების გარდა მოვახდინოთ დაფინანსების სხვა წყაროების დივერსიფიკაცია?
• სამართლებრივი ჩარჩო (კონკრეტული და ზოგადი კანონები და რეგულაციები კულტურასთან დაკავშირებით) - როგორ დავუჭიროთ მხარი კულტურულ განვითარებას ხელსაყრელი სამართლებრივი გარემოს შექმნის გზით?
• ურთიერთობები ეროვნული, რეგიონალური, ადგილობრივი და კერძო კულტურის დონეებს შორის - როგორ მოვახდინოთ კულტურული განვითარების კოორდინირება სახელმწიფო და კერძო, ეროვნულსა და ადგილობრივ დაინტერესებულ მხარეებს შორის?

ზოგადი საკითხების გარდა, თანამედროვე კულტურის სტრატეგია მთელ მსოფლიოში ეხება სხვა მნიშვნელოვან საკითხებსაც:

• კულტურული მრავალფეროვნება და კულტურული გამოხატულების მრავალსახეობა;
• წვდომა კულტურაზე (კულტურაში მონაწილეობა, სოციალურად დაუცველი ჯგუფები, მოშორებული რაიონები, თანაბარი წვდომა და ა. შ.);
• კულტურა და განათლება (წვდომა კულტურაზე ბავშვებსა და ახალგაზრდებისთვის, უმაღლესი განათლება კულტურის დარგში);
• კულტურული და შემოქმედებითი ინდუსტრიები (ასახვა, ცნობიერება, მეწარმეობა კულტურაში, ინოვაცია და ტექნოლოგია, შემოქმედებითი ინკუბატორები, შესაძლებლობების განვითარება, და ა. შ.);
• ინტელექტუალური საკუთრების უფლებები, ბრძოლა საავტორო უფლების დარღვევის წინააღმდეგ;
• ფინანსების ხელმისაწვდომობა და დაფინანსების წყაროების დივერსიფიკაცია (კერძო დაფინანსება, ევროპული დაფინანსება, უცხოური დაფინანსება, საკრედიტო სქემა, ვაუჩერები, ინვესტორები, გადასახადები და ა. შ.);
• კულტურის გავლენა პოლიტიკის სხვადასხვა სფეროებზე (გადაკვეთის წერტილები და გარე ეფექტები), მათ შორის კულტურა და მდგრადი განვითარება, განათლება, რეგიონული განვითარება და ტურიზმი, ეკონომიკა და ინოვაციები, ქვეყნის ბრენდინგი, სოციალური ინოვაციები და ა. შ.;
• კულტურა და ქალაქის განახლება, საცხოვრებელი გარემოს ხარისხი;
• ციფრული კულტურა (კულტურული მემკვიდრეობის ციფრულ ფორმაში გადაყვანა, ახალი ტექნოლოგიები კულტურაში);
• კულტურული და შემოქმედებითი ექსპორტი და ინტერნაციონალიზაცია, კულტურული დიპლომატია;
• ·     კულტურის კარგი მართვა (გამჭვირვალობა, სამართლებრივი ნორმა, ანგარიშვალდებულება, პლურალიზმი).
•