გვესმოდეს, რომ მარკეტინგი არ არის მხოლოდ რეკლამირება; ეს არის მთელი საწარმოს ორიენტაცია კონკურენტების და შერჩეული ბაზრების მიმართ.

ყურადღება გავამახვილოთ სტრატეგიულ მარკეტინგზე, სანამ ოპერაციულ მარკეტინგზე (მარკეტინგულ კომუნიკაციაზე) გადავიდოდეთ.

დავრწმუნდეთ, ყველას ესმოდეს, რომ სტრატეგიული მარკეტინგი არის „ფართო სურათი“ და მეპატრონის ან უფროსი მენეჯერების პასუხისმგებლობაა. ის გულისხმობს გადაწყვეტას, თუ რომელი პროდუქტი და რომელი ბაზრები არის საწარმოსთვის ყველაზე უფრო მნიშვნელოვანი. 

უზრუნველვყოთ, რომ ოპერაციული მარკეტინგი (მარკეტინგული კომუნიკაცია) სტრატეგიული მარკეტინგიდან მომდინარეობდეს. მას მერე, რაც ბაზრები შეირჩევა, დაგვჭირდება მათთან ეფექტიანი კომუნიკაციის ქონა.

გახსოვდეთ, რომ მარკეტინგული კომუნიკაცია მომხმარებელთან უნდა იყოს დიალოგი და არა მონოლოგი. უსმინეთ მომხმარებლებს და მოიფიქრეთ, რა გზით შეიძლება მოგაწოდონ მათ გამოხმაურებები და იდეები.

განსაზღვროთ თქვენი კონკურენტული უპირატესობა. ნუ იკითხავთ, „რაში ვართ საუკეთესოები?“, არამედ იკითხეთ: „რაში ვართ კონკურენტებზე უკეთესები?“ რასაკვირველია, გარემოება დროთა განმავლობაში შეიცვლება, ამიტომ მას განუწყვეტლივ უნდა ვადევნოთ თვალყური.

თანმიმდევრულად გამოიყენოთ მარკეტინგის 3M-ი, რათა უზრუნველყოთ ზუსტი კომუნიკაცია ბაზრის ყოველ სეგმენტთან; საამისოდ გამოვიყენოთ სწორი მესიჯები და შევარჩიოთ მხოლოდ ყველაზე მეტად შესაფერისი მედია ამ მესიჯების მისაწოდებლად.

გამოვიყენოთ სოციალური მედია მხოლოდ იმ შემთხვევაში, თუ ის მარკეტინგის 3M-ის მეთოდის მიხედვით საუკეთესო საშუალებაა ამ კონკრეტული მესიჯებისა და ბაზრებისთვის.

ყველა მარკეტინგულ კომუნიკაციაში ხაზი გავუსვათ მომხმარებლის სარგებელს და არა პროდუქტის მახასიათებლებს. ეს შესაძლებელი იქნება მხოლოდ მაშინ, თუ ჩვენთვის გასაგებია მომხმარებლის თვალთახედვა.

უზრუნველვყოთ, რომ მარკეტინგში ჩართული იყოს ყველა, იმის ნაცვლად, რომ ეს მხოლოდ „მარკეტინგის განყოფილებას“ მიანდოთ. მარკეტის, კონკურენტების და მომხმარებელთა ცვლადი საჭიროებების გაგება მთელი ბიზნესისთვის სასიცოცხლოდ მნიშვნელოვანია და შესაბამისად, ყველა ჩართული უნდა იყოს მარკეტინგში, ამ ცნების ფართო გაგებით.