ონლაინ კურსის მოსმენის შემდეგ გაიგებთ, თუ როგორ უნდა იპოვოთ ფინანსური დონორები კულტურული ინიციატივებისთვის და დაამყაროთ მათთან გრძელვადიანი ურთიერთობები. კურსის ლექტორი, თიმ უილიამსი - ევროკავშირის და აღმოსავლეთ პარტნიორობის პროგრამის „კულტურა და კრეატიულობა“ ხელმძღვანელი - უკვე 20 წელზე მეტია ხელმძღვანელობს საერთაშორისო პროექტებს კულტურის სექტორში. მოკლე ლექციების დროს ექსპერტი განიხილავს დონორების მოზიდვის ძირითად ეტაპებს პროექტების დაფინანსების მიზნით: დაწყებული საჭირო დონორის მოძიებით და შერჩევით, დამთავრებული შესაძლო რესტრუქტურიზაციით და პირადი ურთიერთობის დამყარებით.