დაფიქრდით იმაზე რის შესწავლა გჭირდებათ.

კითხვები შესაძლოა იყოს შემდეგი:

• დაფინანსების გეოგრაფიული არეალი
• თემები, რომლებსაც აფინანსებენ
• გამოყოფილი დაფინანსების ოდენობა
• განაცხადების მოთხოვნის სიხშირე
• გამარჯვებული წინადადებების და განცხადებების შეფარდება
• სამართლებრივი სტრუქტურები, რომლის დაფინასებასაც აპირებენ
• ძირითადი საკონტაქტო სახელები და დეტალები
•  და ა. შ.

შემდეგ შეადგინეთ ცხრილი, რომელიც მოიცავს ყველა ამ კითხვას. ვერტიკალურად ჩამოწერეთ დონორები, ზედა ჰორიზონტალურ რიგში კი - თქვენი კითხვები. მიუდექით ამას, როგორც ფასების შედარებას ვებსაიტზე. აღნიშნულ ფორმატში უნდა დასვათ სწორი კითხვა და დაინახოთ ერთი დონორის უპირატესობები სხვა დონორებთან შედარებით.

შეგიძლიათ გადააბაროთ აღნიშნული სამუშაო კონსულტანტს ან სტაჟიორს. თუ თავად გსურთ ან სამუშაოს ჩატარება, დაიწყეთ ვებსაიტებით. გადმოიტანეთ ინფორმაცია იმ დონორის შესახებ, რომელიც გჭირდებათ, თქვენ ცხრილში.   

აგრეთვე გადახედეთ ორ დამატებით სექციას. პირველ რიგში ნახეთ გვერდები, სადაც ნახსენებია თქვენი პარტნიორი. აქ შეიძლება იპოვოთ სხვა ორგანიზაციები, რომლებზეც ჯერ არ გსმენიათ. ამან შესაძლოა მიგიყვანოთ მოულოდნელ და საინტერესო აღმოჩენამდე.

გარდა ამისა, ნახეთ საინფორმაციო გვერდები, ბლოგები ან წლიური ანგარიშები. სწორედ ამ გვერდებზე იპოვნით მინიშნებებს სამომავლო პრიორიტეტების შესახებ, ასევე პროგრამებს, რომლებიც დახურვის პროცესშია.

შეინახეთ მოცემული ინფორმაცია. თქვენ გამოგადგებათ ძირითადი ციტატები და გამოთქმები დონორებთან საუბრის დროს. უკანასკნელი ამბების ცოდნა აჩვენებს დონორებს, რომ თქვენ შეასრულეთ საშინაო დავალება.

როცა იფიქრებთ, რომ დაასრულეთ კვლევა, დატოვეთ მონაცემები რამდენიმე დღით და დაუბრუნდით მათ დასვენებული გონებით.

ამ ეტაპზე უკვე შეგიძლიათ ესაუბროთ ადამიანებს იმის შესახებ, რაც წაიკითხეთ. ყველა დონორი ვებსაიტი არ არის განახლებული ან გასაგები. ეცადეთ მონახოთ მესამე მხარე, რომელსაც შეგიძლიათ ესაუბროთ (შესაძლოა ეს იყოს ორგანიზაცია, რომელიც წარსულში დაფინანსდა აღნიშნული დონორის მიერ; ან ყოფილი თანამშრომელი). ჰკითხეთ მათ ორგანიზაციის პოლიტიკისა და ბოლო პერიოდის ისტორიის შესახებ. შესაძლოა აღმოჩნდეს, რომ აღმოსავლეთ ევროპა არ არის პრიორიტეტი - მიუხედავად იმისა, რომ მათი ვებსაიტი საწინააღმდეგოს ამტკიცებს; ან მმართველობაში მოვიდა ახალი დირექტორი, რომელიც გატაცებულია ამ რეგიონით და მომავალ წელს აპირებს დაფინანსების გაზრდას. ამგვარი ცოდნა განიჭებთ უპირატესობას სხვების წინაშე.    

შეგიძლიათ უშუალოდ დაუკავშირდეთ დონორს, მაგრამ ფრთხილად იყავით. შეეხეთ ზოგად საკითხებს, რომლებიც ეფუძნება თქვენ კვლევას. ნუ წამოწევთ იდეებს ამ ეტაპზე.

შემდგომ უნდა მიანიჭოთ პრიორიტეტი იმ ორგანიზაციებს, რომლებთანაც, თქვენი აზრით, მეტი შანსი გაქვთ. ეს ისეთი ორგანიზაციებია, რომლებსაც მოსწონთ და მხარს უჭერენ იმას, რაც გაქვთ გაკეთებული ან რის გაკეთებასაც აპირებთ.  

შეგიძლიათ გამოიყენოთ შეფასების სისტემა ან მწვანე და წითელი ნიშნების სისტემა, ან შუქნიშნის სისტემა თქვენ ცხრილში. რიგის თავში მოათავსეთ ყველაზე შესაფერისი დონორები.

აირჩიეთ ზედა სამი დონორი და ფოკუსირება მოახდინეთ მათზე წლის განმავლობაში. მოგვიანებით გადადით სხვა დონორებზე.