content
ლექცია 2. ვებსაიტის ეფექტური მართვა
ადამიანის ყურადღების მოცულობა შეადგენს 8 წამს,, თევზის კი 9 წამს. ვიზიტორების 55% ატარებს 15 წამზე ნაკლებს თქვენ ვებსაიტზე. ვებსაიტის შექმნისას გახსოვდეთ, მან კონკურენცია უნდა გაუწიოს მილიონობით სხვა ვებგვერდებს და ექნება მხოლოდ რამდენიმე წამი, რომ მიიპყროს ყურადღება. როგორ უნდა გაიმარჯვოთ ასეთი კონკურენციის პირობებში?

შეიმუშავეთ მაღალი ხარისხის შინაარსი

ადამიანები ძირითადად ეძებენ ორი ტიპის ინფორმაციას - გართობა ან რამე სასარგებლო, ანუ ეძებენ რამეს სიამოვნებასთან და გრძნობებთან დაკავშირებით, ან რამეს, რაც დაეხმარება ფულის გაკეთებაში ან მიაწვდის საჭირო ინფორმაციას. ორგანიზაციების საერთო შეცდომაა - საკუთარ თავზე ფოკუსირებული ვებსაიტის შექმნა. დაივიწყეთ სექციები „ჩვენს შესახებ“, ჩვენი ისტორია“, „ფოტოები“. შეცვალეთ ისინი ინფორმაციით სერვისების შესახებ, რომლებიც შესაძლოა სასარგებლო იყოს თქვენი აუდიტორიისთვის, პრაქტიკული რჩევით და საინტერესო ფაქტებით.  

ადამიანებს იზიდავს შემდეგი თემები მედიაში: სკანდალები; სექსი; სენსაციები; ფული; საფრთხეები; იუმორი; სიკვდილი. ეცადეთ დაუკავშიროთ აღნიშნული თემები თქვენ პროექტებს, ძირითად გზავნილებს და კომუნიკაციის ამოცანებს იმისთვის, რომ შემატოთ ემოცია თქვენ მონათხრობს.

ან შეგიძლიათ შექმნათ სასარგებლო შინაარსი, რომელიც მოიცავს ახალ ამბებს, მოსაზრებას, პროპაგანდას, რჩევას და განათლებას.   

შეისწავლეთ ციფრული ტექნოლოგიების გამოყენების სხვადასხვა გზები

ამჟამად კულტურული და შემოქმედებითი ორგანიზაციები იყენებენ ციფრულ ტექნოლოგიებს იმისთვის, რომ მიიღონ სუბსიდიები, გაყიდონ თავიანთი ნამუშევრები ან მათი ბილეთები, მოაწყონ საგანმანათლებლო ღონისძიებები ან წარმოდგენები, დაამყარონ თანამშრომლობა სხვა ინსტიტუტებთან მობილური აპლიკაციების, ბლოგების, სოციალური მედიის, ვებსაიტების ვირტუალური რეალობის  საშუალებით. თვალი ადევნეთ მსხვილი მოთამაშეების ტენდენციებს და საუკეთესო პრაქტიკას.  

იმუშავეთ სათაურებსა და ენაზე

ადამიანების 80% კითხულობს სათაურებს, და მხოლოდ მათი 20% კითხულობს შინაარსს!

სათაურების მოფიქრების დროს გაითვალისწინეთ შემდეგი ოთხი წესი:

  • თქვენი სათაური უნდა იყოს უნიკალური.
  • თქვენი სათაური უნდა იყოს კონკრეტული.
  • თქვენი სათაური უნდა იყოს აქტუალური.
  •  თქვენი სათაური უნდა იყოს პერსონალურად სასარგებლო.

გამოიყენეთ მოკლე პარაგრაფები და მოკლე ტექსტი. ერიდეთ ჟარგონს.

მიაქციეთ ყურადღება დიზაინს და სურათებს

შინაარსი უნდა იყოს დაყოფილი სექციებად და ილუსტრირებული ფოტოებით ან გრაფიკით, რათა მკითხველისთვის ადვილი იყოს თქვენ ვებსაიტზე მოძრაობა. დარწმუნდით, რომ თქვენი ვებსაიტი შესაბამისობაშია  მობილურ აპარატებთან. გამოცადეთ თქვენი ვებსაიტი, რათა შეამოწმოთ რამდენად მოხერხებულია იგი (მაგალითად, არის თუ არა მუდმივი ძიების ღილაკი, შეუძლია თუ არა მომხმარებელს მონახოს საჭირო ინფორმაცია 3 დაწკაპუნებით). ვებსაიტის კარგი დიზაინის ძირითადი პრინციპები მდგომარეობს იმაში, რომ ის უნდა იყოს ხელმისაწვდომი, მარტივი, მართვადი და თანმიმდევრული.  

გამოიყენეთ სოციალური ქსელი და საძიებო სისტემის ოპტიმიზაცია (SEO)

მიიზიდეთ თქვენი ვებსაიტის აუდიტორია სოციალური მედიის საშუალებით. შეამოწმეთ, თუ შეუძლია მომხმარებელს თქვენი ვებსაიტის შინაარსის გაზიარება ან მოწონება. SEO-ს მეშვეობით თქვენი ვებსაიტი უფრო ადვილად მოიძებნება Google -ის ან სხვა საძიებო პლატფორმების გზით. გამოიყენეთ თქვენი ტექსტის საკვანძო სიტყვები და დააკავშირეთ ერთმანეთთან თქვენი სტატიები.

შეაფასეთ თქვენი შედეგები

Google-ის ანალიტიკის საშუალებით შეგიძლიათ შეამოწმოთ თქვენი ვებსაიტის რომელ გვერდებს ჰყავს მეტი მნახველი, რა ენაზე საუბრობენ და რამდენ ხანს რჩებიან თქვენ ვებსაიტზე. 

ვუამბოთ მეგობრებს