• Рэзультаты адцягваюць вас ад зацыкленасці на дзейнасці, г.зн. заданні часам робяцца пералікам таго, што нам трэба зрабіць. Гэта можа прывесці да працэсу М+Е, які зводзіцца да таго, ці выканалі мы тое, што абяцалі.
  
• Калі вы зацыклены на рэзультатах, вы найхутчэй будзеце слядзіць за ўплывам дзейнасці, а не за самай дзейнасцю.

Таксама карысна параўнаць рэальныя рэзультаты з чаканымі, бо розніцу не заўсёды можна прадбачыць.

Бо буйнамаштабныя змены адбываюцца хутка толькі зрэдку, а таксама цяжкія ў рэалізацыі, вам трэба вызначыць важныя кароткатэрміновыя дасягненні.

Фактары, па якіх можна змераць рэзультаты:

• Выгада для палітыкі: пэўныя змены ў палітыцы, практычныя змены і інстытуцыйныя рэформы.
• Выгада рэалізацыі: ступень, у якой паказаныя палітыкі рэалізуюцца і як яны закранулі (ці не закранулі) жыцця грамадства.
• Палітычныя і дэмакратычныя зыскі: прызнанне права грамадскіх з'яднанняў уплываць на палітыку, палёгку іх доступ да ўрада і да іншых устаноў.
• Карысць для грамадства: паляпшэнне супрацы паміж грамадскімі з'яднаннямі.
• Карысць для партнёрства: адвакацыя прыводзіць да стварэння рэгіянальных і міжнародных сетак, якія могуць эфектыўна ўзаемадзейнічаць з міжнароднымі арганізацыямі.
• Карысць для арганізацыі: падвышэнне прэстыжу арганізацыі, стаўленне да яго як да верагоднай крыніцы інфармацыі, павелічэнне фінансавання і г.д.

Зараз, карыстаючыся ведамі пра планаванне, рэалізацыю і ацэнку грамадскай кампаніі, а таксама інструментамі і методыкамі, якія мы абмяркоўвалі ў нашым курсе, давайце падагульнім атрыманыя веды і паспрабуем скласці поўную карціну грамадскай кампаніі.

Уявім, што ў нас ёсць двухгадовая грамадская кампанія, накіраваная на распрацоўку і прыняцце дзяржаўнага адукацыйнага стандарта мастацкай адукацыі ў дзяржаўных пачатковых і сярэдніх школах па ўсёй краіне.

Першыя шэсць месяцаў праекта будуць прысвечаны:

• Ацэньванню праблемы, уключаючы аналіз першапрычын, аналіз праблемы і практыкаванне на візуалізацыю, якія прывядуць да фармавання мэт адвакацыі і яе задач. Засноўваючыся на вызначаных мэтах, можна распрацаваць план дзеянняў і пачаць патрэбную супрацу.

Другая палавіна года будзе прысвечана:

• Наладжванню дыялогу з уплывовымі асобамі і іншымі асноўнымі зацікаўленымі асобамі, пабудове адносін з імі, правядзенню працы са сродкамі масавай інфармацыі, а таксама правядзенню семінараў і мерапрыемстваў для падвышэння роўня паінфармаванасці мэтавых груп. Мы зробім так, каб праблема стала часткай праграмы дзеянняў грамадства, пра яе б казалі, праводзілі кампаніі па камунікацыі, каб падкрэсліць яе існаванне. Потым будзе час пачатку лабіявання асноўных уплывовых асоб і асоб, што прымаюць рашэння. Звярніце ўвагу, што лабіяванне не здзяйсняецца да таго часу, пакуль праблема не стала прадметам абмеркаванняў у грамадстве, каб у палітыкаў была больш прычын звярнуць на яе ўвагу.

C 13-га па 18-ы месяц мы будзем:

• Лабіяваць далей: уладкуем семінар для асноўных зацікаўленых асоб і чакаем, што яны пачнуць усведамляць важнасць нашай справы. Потым мы напішам чарнавы варыянт дзяржаўнага адукацыйнага стандарта для Міністэрства адукацыі.

C 19-га па 24-ы месяц мы чакаем:

• Што новы адукацыйны стандарт будзе ўзгоднены з міністэрствам, падпісаны і ўведзены ў дзеянне, каб палепшыць жыццё людзей.

На гэтым наш курс пра адвакацыі завяршаецца. Спадзяюся, што вы пазналі новыя паняткі і новыя спосабы правядзення адвакацыі, пачулі карысныя падказкі і, што немалаважнае, спадзяюся, што гэты курс паказаў вам новыя пагляды на сілу адвакацыі. І наастатку вылучу вам асноўныя чатыры думкі гэтага курса. Першая: адвакацыя — гэта не проста ўплыў на грамадскую палітыку, але і галоўным чынам уплыў на грамадскую думку. Другая: праблемы, якія мы абіраем мэтамі адвакацыі трэба старанна ўзважыць адносна вашага патэнцыялу, магчымасцяў і досведу. Іншымі словамі, нам трэба пераканацца, што праблему, з якой мы сутыкнуліся, можна вырашыць з дапамогай рэсурсаў, якія мы ў сілах мабілізаваць. Трэцяя: важна вызначыць тыя асобы, якія могуць паўплываць на ініцыятыву і тыя, якія могуць паўплываць на развязак праблемы і знайсці найболей эфектыўны метад звязацца з імі з дапамогай стварэння схемы сувязяў. Чацвёртая: нам трэба старанна абіраць інструменты адвакацыі і камунікаваць з поўным разуменнем мэтавай аўдыторыі, мовай, зразумелай для яе, і кароткім, пэўным і дарэчным зместам. Існуе шмат курсаў аб адвакацыі, здольных даследаваць гэты магутны інструмент падрабязней, і я раю вам чытаць падобныя, вывучаць і ўвесь час развіваць вашы навыкі адвакацыі з мэтай самаўдасканалення.

Дзякую за тое, што праслухалі гэты курс.