Культура захоўвае і перадае веды

Веды пра жыццё грамадства ў Паўднёвай Англіі першай паловы XIX стагоддзя - ад таго, якія танцы былі папулярнымі, да традыцыйнага распарадку дня - можна атрымаць не толькі з кніг па гісторыі, але і з раманаў Джэйн Осцін. А дэталі лонданскага побыту ў канцы стагоддзя ўжо варта шукаць у серыі кніг пра Шэрлака Холмса.

Культура стварае каштоўнасці і сімвалы

Каштоўнасцю і сімвалам можа стаць нават барада. Ці яе адсутнасць. Напрыклад, у 1705-м годзе Пётр I, які паставіў сабе за мэту асучасніць Расію і наблізіць яе да Еўропы, увёў падатак на нашэнне барады і вусоў. А амаль праз тры сотні гадоў, у 1999-м упершыню прайшла акцыя Мавембер, у рамках якой мужчыны наадварот адрошчвалі вусы і бараду на працягу лістапада, каб прыцягнуць грамадскую ўвагу да праблемы рака прастаты і сабраць грошы для дабрачыннага фонду. У абодвух выпадках сімвалы паўплывалі на далейшае развіццё культуры.

Культура развівае

Уцягванне ў культуру і патэнцыял да стварэнняў важныя для «ўніверсальнага чалавека» эпохі Адраджэння. Адзін з самых вядомых прыкладаў - Леанарда да Вінчы - сумяшчаў навуковую і пісьменніцкую дзейнасць з заняткамі мастацтвам.

Культура ўмацоўвае сацыяльныя адносіны

Фестываль «Країна мрій» штогод збірае каля 40 тыс. наведвальнікаў. Далучэнне да традыцыйных формаў украінскай культуры - ад музыкі да ганчарнай справы - спрыяе фарміраванню агульнай нацыянальнай ідэнтычнасці.

Культура стварае новыя патрэбы

Культура энергазахавання і рацыянальнага выкарыстання прыродных рэсурсаў фарміруе такія патрэбы, як стварэнне інфраструктуры для сартавання і ўтылізацыі розных тыпаў адходаў, усталяванне сонечных батарэй на дамах і доступ да бюджэтнага электратранспарту. Так, напрыклад, у 2017-м годзе кампанія Tesla Motors прадставіць пакупнікам мадэль электракара коштам 35 тысяч долараў, у той час як цяпер кошт машын складае каля 100 тысяч.

Культура робіць уклад у эканоміку

Абарот культурных і крэатыўных індустрый складае 1,3 трыльёна долараў, а тэмпы росту апярэджваюць галіны вытворчасці і паслуг. Культурны турызм дае каля 40% даходаў сусветнай турыстычнай галіны і на працягу апошняга дзесяцігоддзя дэманстраваў стабільны рост. Па ўсім свеце культура становіцца ўсё больш важнай крыніцай занятасці і даходаў. Больш фактаў http://www.culturepartnership.eu/page/culture-matters

Культура дапамагае гарадам

У 1997-м годзе ў горадзе Більбао на поўначы Іспаніі быў адкрыты музей Гуггенхайма. Арыгінальнасць дызайна ператварыла гэта месца ў яркую славутасць, якая ўдыхнула ў правінцыйны горад новае жыццё. За першыя тры гады працы музея турысты, якія наведалі Більбао, пакінулі там больш за 100 мільёнаў еўра (або 110 мільёнаў долараў ЗША) у выглядзе рэгіянальных падаткаў. Такі ўплыў архітэктуры на гарадскую эканоміку цяпер называюць «эфектам Більбао».