Распрацуйце высакаякасны кантэнт

Звычайна людзі шукаюць два тыпы інфармацыі – забаўляльную або карысную. Яны шукаюць нешта пацешнае і хвалюючае ці нешта такое, што можа прынесці ім заробак ці даць неабходную актуальную інфармацыю. Распаўсюджанай жа памылкай многіх арганізацый з'яўляецца стварэнне сайта пра саміх сябе. Забудзьце назвы ўкладак «Пра нас», «Наша гісторыя», «Фота». Замяніце іх інфармацыяй аб паслугах, якія могуць быць карысныя для вашай аўдыторыі, практычнымі парадамі і цікаўнымі фактамі. 

У сродках масавай інфармацыі людзей прыцягваюць наступныя тэмы: скандалы, сэкс, сенсацыі, грошы, пагрозы, гумар, смерць. Паспрабуйце ўплесці гэтыя тэмы ў вашы праекты, асноўныя пасылы і мэты камунікацыі, каб вашы гісторыі сталі больш эмацыйнымі.

Яшчэ адным спосабам з'яўляецца стварэнне карыснага кантэнту, у тым ліку такія тэмы, як навіны, меркаванні, адвакацыя, парады і адукацыя.  

Асвойце розныя спосабы выкарыстання лічбавых тэхналогій

На сённяшні дзень лічбавыя тэхналогіі выкарыстоўваюцца культурнымі і крэатыўнымі арганізацыямі для атрымання ахвяраванняў, продажу мастацкіх работ, твораў мастацтва або білетаў на мерапрыемствы, правядзення адукацыйных мерапрыемстваў або выступаў, наладжвання супрацоўніцтва з іншымі ўстановамі з дапамогай мабільных прыкладанняў, блогаў, сацыяльных сетак, сайтаў, віртуальнай рэальнасці , прамых трансляцый і г.д. Проста сачыце за тэндэнцыямі і перадавымі практыкамі сярод асноўных удзельнікаў рынку. 

Папрацуйце над загалоўкамі і мовай

Вашы загалоўкі чытаюць 80% людзей. Але толькі 20% з іх чытаюць усё астатняе!

Пры стварэнні загалоўкаў кіруйцеся наступнымі правіламі:

• загаловак павінен быць унікальным;
• загаловак павінен быць вельмі дакладным і выразным;
• загаловак павінен быць актуальным;
• загаловак павінен быць карысным сам па сабе;
• бзацы павінны быць невялікімі, а сам тэкст – кароткім;
• не ўжывайце жарганізмы.

Надавайце ўвагу дызайну і малюнкам

Каб спрасціць чытачам навігацыю па вашаму сайту, кантэнт трэба падзяліць на часткі і праілюстраваць фатаграфіямі або графікай. Пераканайцеся, што ваш сайт сумяшчальны з мабільнымі прыладамі. Каб даведацца, наколькі ён зручны ў выкарыстанні (напрыклад, ці ёсць на сайце пастаянная кнопка пошуку, ці можа чалавек знайсці патрэбныя матэрыялы ў 3 клікі), пратэстуйце свой сайт з дапамогай праверачнага ліста. Асноўныя прынцыпы практычнасці і добра аформленага сайта: даступнасць, прастата, зручнасць навігацыі і несупярэчлівасць інфармацыі.

Карыстайцеся сацыяльнымі сеткамі і пошукавай аптымізацыяй для прасоўвання свайго кантэнту

Прыцягвайце аўдыторыю свайго сайта з дапамогай сацыяльных сетак. Пераканайцеся, што карыстальнікі могуць дзяліцца кантэнтам вашага сайта або лайкаць яго. Таксама для прасоўвання кантэнту вашага сайта можна выкарыстоўваць рассылку.

Пошукавая аптымізацыя дапаможа лёгка знайсці ваш сайт праз Google або іншыя пашукавікі. Выкарыстоўвайце ў сваіх тэкстах ключавыя словы і працуйце з партнёрамі, каб яны давалі спасылкі на вашы артыкулы, і наадварот.

Ацаніце свае вынікі

Правярайце, у якіх старонак вашага сайта самая высокая наведвальнасць з дапамогай сэрвісу Google Аnalytics. Таксама там можна паглядзець, на якой мове гавораць наведвальнікі вашага сайта і як доўга яны на ім затрымліваюцца.