content
Лекцыя 1. Як падрыхтавацца да напісання добрай праектнай заяўкі?
Мяне завуць Магда Красоўская-Іграс (Magda Krasowska-Igras). Я трэнер па напісанні праектных заявак і складанні бюджэту. Працую я на штодзённай аснове ў Фондзе развіцця грамадзянскай супольнасці (Information Society Development Foundation) у Польшчы. Займаюся напісаннем праектных заявак ужо больш за 12 гадоў. Я падзялюся з вамі некалькімі парадамі з асабістага вопыту менавіта ў гэтай сферы.

Навошта гэта трэба:

  • Звычайна падрыхтоўка праектнай заяўкі азначае, што вы хочаце атрымаць грошы на рэалізацыю канкрэтнага праекта. Таму паспяховая заяўка азначае, што ў вас будзе магчымасць рэалізаваць вашы прафесійныя ідэі і мары.

  • Для большасці праектных заявак, якія вы будзеце абдумваць, будуць патрэбны партнёры. Таму вам трэба працаваць над якасцю і колькасцю знешніх сувязей вашай арганізацыі. У вас будзе развітая сетка кантактаў, прызнанне і прэстыж.

  • Праектная заяўка — гэта не проста зборнік усіх вашых геніяльных ідэй. Калі яна сапраўды ўключае элементы супрацоўніцтва, то яна павінна быць вынікам сумеснай працы і ўсебаковага аналізу сітуацыі/знешніх фактараў, а таксама ўсіх прыярытэтаў краін/арганізацый , якія ўдзельнічаюць. Таму праект, над якім вы будзеце працаваць, будзе больш комплексным, інавацыйным і адаптаваным да патрэб вашага атрымальніка.

ЁН ПРОСТА БУДЗЕ ЛЕПШЫМ.

Як нам падрыхтавацца да напісання добрай праектнай заяўкі?

Мне хацелася б паказаць вам некалькі этапаў працэсу 

1. САМААНАЛІЗ

Агляд свайго прафесійнага асяроддзя, які дапаможа вам вызначыць рэальныя патрэбы, вопыт і спадзяванні на будучыню.

Я раю вам адказаць на такія пытанні

  1. Што вы маеце?

  2. Чага вам відавочна не хапае?

  3. Што здольна выклікаць праблему?

  4. Які патэнцыял можна выкарыстаць?

Пры гэтым трэба ўлічваць спецыфіку вашай арганізацыі і яе супрацоўнікаў, вашых найбольш блізкіх партнёраў і..., асноўных бенефіцыяраў, а таксама мэтавую аўдыторыю. 

2. ПОШУК ПАРТНЁРАЎ

Вам трэба наладзіць добрыя адносіны з партнёрамі. Тады ваш праект будзе стабільным, эфектыўным і прывабным. Падумайце аб магчымых патэнцыйных пагрозах і перавагах ад працы з прадстаўнікамі розных сектараў — грамадскасці, бізнэсу і недзяржаўных арганізацый.

Улічыце міжкультурны аспект вашага праекта і яго ўплыў на ваша асяроддзе.

Такім чынам, што вам трэба прааналізаваць, каб знайсці добрага партнёра:

  • Профіль, назапашаны вопыт і бягучую дзейнасць — змест праекта

  • Памер, інфраструктуру і фінансавыя магчымасці — магчымасці праекта

  • Кваліфікацыю персанала — узровень прафесіяналізму

  • Партнёрствы і кантакты — здольнасць супрацоўнічаць

  • Сувязь з грамадскасцю і грамадскае меркаванне — якасць зробленых дзеянняў

Нядрэнна будзе ўлічыць наступныя фактары, якія могуць быць характэрныя толькі для вашай краіны:

  • Культура працы

  • Стыль кіравання: іерархія, бюракратыя і фармалізацыя

  • Давер або яго адсутнасць?

  • Адкрытасць і гнуткасць 

3. СУМЕСНАЯ ПРАЦА НАД ЗАЯЎКАЙ

Зробім здагадку, што мы ўжо знайшлі арганізацыю-партнёра. Што нам рабіць далей:

  • Накідаць чарнавы варыянт дакумента, у якім будуць пазначаны наш вопыт і ініцыятывы, а таксама ноў-хаў.

  • Некалькімі прапановамі трэба апісаць ідэю праекта і магчымасці прыцягнення фінансавання.

Калі праект зацвердзяць, нам трэба: 

  • арганізаваць як мага больш нарадаў і перамоў;

  • пераканайцеся ў тым, што ўсе падзяляюць адны і тыя ж каштоўнасці і стратэгічныя прыярытэты;

  • пераканацца, што яны ўцягнуты ў напісанне праектнай заяўкі;

  • падпісаць кантракт, які рэгулюе заданні і абавязкі і перыяд пасля падачы заяўкі.

Расказаць сябрам