Разумець, што паняцце «маркетынг» мае на ўвазе не толькі рэкламную дзейнасць; гэта накіраванасць дзейнасці ўсёй арганізацыі адносна сваіх канкурэнтаў і выбраных рынкаў. 

Сканцэнтруйцеся на Стратэгічным маркетынгу, і толькі потым на Аператыўным маркетынгу (Маркетынгавыя камунікацыі).

Неабходна, каб кожны супрацоўнік разумеў, што Стратэгічны маркетынг – гэта «агульная карціна», а распрацоўка стратэгіі – абавязак уладальніка і вышэйшага кіраўніцтва.

Аператыўны маркетынг (Маркетынгавыя камунікацыі) – вытворнае стратэгічнага маркетынгу. Спачатку неабходна вызначыць «свае» рынкі, а затым пачынаць з імі эфектыўнае ўзаемадзеянне.

Памятаеце, што маркетынгавая камунікацыя з кліентамі павінна адбывацца ў форме дыялогу, а не маналогу. Прыслухоўвайцеся да пажаданняў сваіх кліентаў і дайце ім магчымасць дзяліцца сваім меркаваннем і ідэямі.

Пазначце свае канкурэнтныя перавагі. Замест пытання «Што мы робім лепш за ўсё?» задайце пытанне «Што мы робім лепш, чым нашы канкурэнты?». З часам адказ на гэта пытанне можа мяняцца, таму гэты момант патрабуе пастаяннага кантролю.

Рэгулярна выкарыстоўвайце мадэль «Тры «М» у маркетынгу» для забеспячэння максімальна эфектыўнага ўзаемадзеяння з кожным рыначным сегментам, фармулюючы «правільныя» пасланні і выбіраючы найбольш прыдатныя сродкі для данясення гэтых пасланняў да спажыўца.

Выкарыстоўвайце сацсетку толькі ў тым выпадку, калі паводле мадэлі «Тры «М» у маркетынгу» яна лічацца лепшым сродкам для данясення канкрэтных пасланняў канкрэтным рынкам. 

Акцэнтуйце ўвагу на спажывецкіх перавагах, а не на характарыстыках прадукту, пры выкарыстанні любых інструментаў маркетынгавых камунікацый.

Забяспечце, каб у маркетынгавай дзейнасці ўдзельнічаў кожны супрацоўнік прадпрыемства, а не толькі «аддзел маркетынгу». Веданне рынку, сваіх канкурэнтаў і зменлівых патрэб кліентаў мае першараднае значэнне для прадпрыемства ў цэлым, таму ў маркетынгавую дзейнасць павінны быць уцягнуты ўсе яго супрацоўнікі ў самым шырокім сэнсе.