Напрыклад, у Вялікабрытаніі ў аднаго спонсара ўзнікла пытанне: Ці адпавядаюць члены вашага савета папячыцеляў сваёй пасадзе і ці ёсць у іх вопыт супрацоўніцтва са спонсарамі, з якімі вы хочаце працаваць? Калі ў вашым савеце ёсць вядомыя або ўплывовыя людзі, якія не маюць вопыту працы з такой тэмай праекта або ў такім месцы яго рэалізацыі, вам трэба прыняць у савет новых членаў, у якіх такі вопыт ёсць.

Некаторыя спонсары могуць запатрабаваць заяву ад арганізацыі па пэўных пытаннях. Заява можа тычыцца гендэрнай палітыкі, працы з людзьмі з абмежаванымі магчымасцямі, палітыкі барацьбы з ужываннем наркотыкаў, палітыкі па пытаннях дзіцячай працы, фінансавых аўдытаў. Рэкамендую прапісаць і рэалізаваць гэтыя прынцыпы да падачы заяўкі на атрыманне сродкаў. Будзе выглядаць падазроным, калі ваша заява аб гендэрнай роўнасці напісана за дзень да падачы заяўкі.

Калі спонсар патрабуе правядзення аўдыту, удакладніце, як часта ён яго патрабуе, таму што розніца ў неабходнасці прадастаўляць дакументацыю раз у тры гады і кожныя шэсць месяцаў вялікая. На аўдыт сыходзіць шмат часу і высілкаў. Таму пераканайцеся, што ў вас ёсць персанал і сістэмы для кіравання гэтымі працэсамі. Дакументы павінны быць абсалютна дакладнымі і лёгкадаступнымі.

Некаторыя спонсары могуць запатрабаваць адкрыць асобныя рахункі для сваіх праектных сродкаў. Іншыя плацяць ужо па заканчэнні праекта, таму удакладніце, ці вы можаце пакрыць гэтыя выдаткі і пачакаць яшчэ некалькі месяцаў, пакуль грошы не паступяць на ваш рахунак.

Некаторыя спонсары могуць патрабаваць, каб вы былі падаткаплацельшчыкам або афіцыйна зарэгістраванай асобай у іх краіне. Гэта працаёмкія і дарагія этапы. Калі вы нешта пераблытаеце на гэтым этапе, існаванне вашай арганізацыі можа апынуцца пад пытаннем. На шляху да развіцця пацярпела няўдачу велізарная колькасць сетак. Вельмі часта гэта адбываецца з-за таго, што аддзяленне па зборы сродкаў на іншым кантыненце пачынае працаваць аўтаномна, а не разам з іншымі арганізацыямі, для якіх яно і было створана. Мая парада: калі вы засноўваеце новае аддзяленне на новым месцы, яго павінен узначальваць супрацоўнік з ужо існуючай сеткі.

У некаторых спонсараў ёсць патрабаванні да колькасці штата, гадавога абароту, фінансавых рэзерваў, юрыдычнай рэгістрацыі, падатковых дэкларацый і г. д.

Да сустрэчы са спонсарам папрасіце вашага адміністратара праверыць наяўнасць падобных патрабаванняў і абмеркаваць, як іх задаволіць. Не глядзіце на працэс прыцягнення сродкаў праз ружовыя акуляры. Не губляйце свой час, ён дарагі.

Усе гэтыя дапаможныя дзеянні не пройдуць дарма, таму што іншыя спонсары таксама ставяць практычна аналагічныя патрабаванні. Наяўнасць і наладжаная праца ўсіх гэтых адміністрацыйных сістэм зробіць вас больш канкурэнтаздольнымі, абнадзейлівымі і прывабнымі ў вачах вашых спонсараў.