Спачатку падумайце пра тых, каго вы ўжо ведаеце ці пра тых, каго ведаюць вашы сябры. Лепш за ўсё пачынаць працу з тымі, каго вы ўжо ведаеце ці з тымі, з кім у вас ужо ёсць вопыт супрацоўніцтва. Паспрабуйце падумаць пра ваш асабісты круг знаёмых і прыкінуць Карту ўсіх магчымасцей. Таксама майце на ўвазе, што «Крэатыўная Еўропа» ўсяляк вітае супрацоўніцтва арганізацый з розных сектараў.

Вы можаце выкарыстоўваць іншыя метады і прылады для пошуку магчымых спосабаў партнёрства таксама эфектыўна.

Напрыклад, знайдзіце лепшыя існуючыя сеткі ў вашай галіне і звяжыцеся з імі. Магчыма, яны зацікавяцца вашымі мэтамі, задачамі і дзейнасцю. Магчыма, вы пажадаеце зірнуць на СПІС СЕТАК, якія фінансуюцца Еўрапейскім Саюзам і праграмай «Крэатыўная Еўропа» ў прыватнасці.

Таксама нельга забываць, што СЕТКА НАЦЫЯНАЛЬНЫХ БЮРО ПРАГРАМЫ «КРЭАТЫЎНАЯ ЕЎРОПА» існуе ў большасці краін-удзельніц, і ўсе яны дапамогуць вам звязацца з арганізацыямі ў адпаведных краінах.

Некаторыя з іх нават маюць розныя ІНСТРУМЕНТЫ І БАЗЫ ДАДЗЕНЫХ па пошуку партнёраў.

Таксама вы можаце сустракацца з прадстаўнікамі нацыянальных інстытутаў вашай краіны ці з АТАШЭ ПА КУЛЬТУРЫ - яны таксама змогуць дапамагчы саставіць спіс партнёраў і будуць дапамагаць вам у будучыні.

Не забывайце і пра ПРАЕКТЫ, ЯКІЯ АТРЫМАЛІ ФІНАНСАВАННЕ праграмы, і афіцыйныя платформы для прагляду такіх праектаў. Магчыма, што яны таксама будуць падаваць заяўку ў будучыні, таму, думаю, вам захочацца не толькі знайсці праекты, якія атрымалі фінансаванне, і натхніцца, але і, магчыма, таксама прыняць удзел у іх.

Рознага роду КАНФЕРЭНЦЫІ накшталт Культурнага форуму (Culture Forum) і іншыя міжнародныя мерапрыемствы таксама дапамагаюць завесці карысныя знаёмствы і знайсці партнёраў.

Запомніце, што адзін добры і надзейны партнёр з краіны-ўдзельніцы - гэта ўжо вельмі добры пачатак для пашырэння кола сяброў і пабудовы прыгожага партнёрства для праекта ЕС. 

Памятаеце, што вы будзеце працаваць з міжнароднай камандай, і вам захочацца ведаць больш пра культуру, традыцыі, звычкі і іншыя важныя нюансы вашых краін-партнёраў, каб лепш разумець адзін аднаго і з задавальненнем весці міжкультурны дыялог.