Маркетынг ляжыць у аснове ўсяго. Маркетынг з'яўляецца цэнтральным аспектам пры вызначэнні Місіі і Стратэгіі кампаніі, а таксама залогам яе Поспеху ў цэлым. Ён вызначае, якую пазіцыю на рынку займае прадпрыемства адносна сваіх канкурэнтаў і патэнцыйных кліентаў.

Маючы дакладнае Бачанне або Стратэгічнае бачанне сваёй дзейнасці, прадпрыемствам у сферы культуры і творчасці будзе прасцей вызначыць свае перспектывы на будучыню. Бачанне (або Стратэгічнае бачанне) па сутнасці — гэта «мары пра будучыню прадпрыемства, карцінка, апісаная словамі, якая б натхняла людзей, і пры гэтым была не проста прыгожай марай, але і цалкам рэалізуемай ідэяй.

Поспех. Быць паспяховым хоча любы чалавек і любая арганізацыя. Але слова «поспех» можна вызначаць па-рознаму, таму вельмі важна, каб прадпрыемства вызначыла для сябе, што для іх азначае поспех.

Што такое «маркетынг»? Розныя людзі разумеюць пад гэтым словам зусім розныя паняцці. Часта яго выкарыстоўваюць, калі кажуць пра метады прасоўвання і продажаў. На самай справе, тэрмін «маркетынг» таксама ўключае ў сябе паняцце «маркетынгавай стратэгіі» і «даследавання рынку».

Аддзел маркетынгу. На многіх прадпрыемствах «аддзел маркетынгу» — гэта аддзел, які займаецца рэкламай і прасоўваннем прадукцыі. Калі разглядаць маркетынг са стратэгічнага пункту гледжання, то да «аддзелу маркетынгу» будзе адносіцца і ўладальнік, і вышэйшае кіраўніцтва або Савет дырэктараў.

Стратэгічны маркетынг у параўнанні з Аператыўным маркетынгам. Стратэгічны маркетынг разглядае «агульную карціну» пры выбары пэўнай катэгорыі прадукцыі і канцэнтрацыі выключна на тых рынках, якія мы для сябе вызначылі. Затым у гульню ўступае Аператыўны маркетынг (або Маркетынгавыя камунікацыі), які адказвае за фармуляванне пэўных пасланняў для канкрэтных рынкаў.

Маркетынгавая стратэгія. Маркетынгавая стратэгія – гэта ўнікальная формула кожнага прадпрыемства, якая выводзіцца зыходзячы з разумення сваёй місіі, свайго месца на больш шырокім рынку адносна канкурэнтаў, а таксама старанна выбраных рынкаў.

Выбар рынкаў. Стратэгічны маркетынг прадугледжвае дбайны выбар рынкаў, яго сегментаў і ніш. Таксама ён мае на ўвазе прыняцце рашэння датычна таго, на якіх рынках не варта працаваць.

Даследаванне рынку. Іншымі словамі – уменне прыслухоўвацца да меркавання спажыўца. Ініцыятывы па даследаванні рынку – гэта не абавязкова складаныя і дарагія мерапрыемствы. Мы можам прыдумаць простыя і незатратныя спосабы таго, як нам лепш зразумець сваіх кліентаў. Па сутнасці, даследаванне рынку ў большай ступені мае на ўвазе фарміраванне пэўнага падыходу ў працы, чым выкарыстанне нейкіх методык; усведамленне таго, што мы не можам ведаць абсалютна ўсё, і што карысныя ідэі і меркаванні нам могуць падказаць нашы дарагія кліенты.

Канкурэнтная перавага. Трэба дакладна ўсведамляць, што рынак – гэта асяроддзе, дзе пануе высокая канкурэнцыя. Адны канкурэнты пераўзыходзяць нас па пэўнай прадукцыі або паслугах, ці ж абслугоўваюць вузкаспецыялізаваныя сегменты рынку. Мы можам прыняць рашэнне стаць іх прамымі канкурэнтамі. Ці ж, разважаючы са стратэгічнага пункту гледжання, абыйсці іх, сканцэнтраваўшы сваю ўвагу на тым, у чым мы іх можам перасягнуць. Замест пытання: «Што мы можам рабіць лепш за ўсё?» мы павінны задаць сабе такое пытанне: «Што мы можам рабіць лепш, чым нашы канкурэнты?» Гэта дапаможа нам вызначыць свае канкурэнтныя перавагі і выкарыстоўваць іх. А далей нам трэба проста сканцэнтраваць свае намаганні на тым, што ў нас атрымліваецца рабіць лепш, чым у нашых канкурэнтаў.

Тры «М» у маркетынгу. Гэта просты, але вельмі эфектыўны інструмент маркетынгавай камунікацыі. Па-першае, для кожнага віду прадукцыі або паслуг неабходна вызначыць свой мэтавай рынак або, калі магчыма, некалькі розных рынкаў. Гэта першая «М» – Market (Рынак). Па-другое, для кожнага рынку трэба сфармуляваць пасланне. Калі для аднаго віду прадукцыі былі вызначаны некалькі рынкаў, то для кожнага з гэтых рынкаў можа спатрэбіцца сваё асобнае пасланне. І, вядома ж, у такіх пасланнях неабходна зрабіць акцэнт на спажывецкія перавагі. Гэта другая «М» – Message (Пасланне). Трэцяя «М» – Medium (Спосаб данясення паслання). Гэта сродак, які дапаможа нам данесці кожнае пасланне свайму рынку. Каб данесці пэўнае пасланне да пэўнага рынку, неабходна выбраць лепшы спосаб яго данясення. Каб выбраць самы прыдатны спосаб данясення паслання, неабходна засяродзіцца на кліентуры рынку.

Мадэль «Трох «М» у маркетынгу» трэба выкарыстоўваць ў правільным парадку. Market (Рынак), Message (Пасланне) and Medium (Сродак данясення паслання). Няправільны парадак выкарыстання трох «М» — адна з найбольш распаўсюджаных памылак і прычын няўдач у маркетынгавай камунікацыі.

Розныя пасланні для розных катэгорый спажыўцоў. Нават у адным і тым жа прадукце розныя спажыўцы могуць шанаваць абсалютна розныя характарыстыкі. Таму адносна аднаго і таго ж прадукту, магчыма, спатрэбіцца сфармуляваць розныя пасланні, паколькі розныя катэгорыі кліентаў могуць шанаваць у гэтым прадукце абсалютна розныя характарыстыкі.

Лепшы сродак для камунікацыі. Гэта тое, якое з'яўляецца самым прыдатным з пункту гледжання спажыўца, якому адрасавана пасланне, і ў залежнасці ад самога паслання. Не варта выбіраць сродак для камунікацыі, кіруючыся выключна сваімі асабістымі перавагамі.

Сацсеткі. Facebook, Twitter, Instagram і іншыя сацыяльныя платформы могуць стаць вельмі эфектыўнымі інструментамі для маркетынгавай камунікацыі. Але толькі ў тым выпадку, калі яны сапраўды з лагічнага пункту гледжання з'яўляюцца лепшым спосабам данясення канкрэтных пасланняў да канкрэтных рынкаў, у адпаведнасці з прынцыпам, закладзеным у мадэлі «Трох «М» у маркетынгу».

Міждународны маркетынг павінен улічваць асаблівасці розных культур і звычаі, а таксама моўныя асаблівасці. Каб пазбегнуць правалу з-за «няведання» свайго спажыўца ў іншых краінах, звярніцеся за парадай да мясцовых партнёраў.

Нішавы (вузкаспецыялізаваны) маркетынг будзе больш дарэчны і эфектыўны, чым масавы маркетынг, большай часткай на невялікіх прадпрыемствах, якія працуюць у сектары культурных і крэатыўных індустрый. Лепш вызначыць для сябе невялікі рынак і дамінаваць на ім, чым спрабаваць прадаваць на шматлікіх рынках. Як зараз кажуць: «Больш няма масавага рынку, а ёсць маса ніш».

Спажывецкія перавагі. Спажывец бачыць нашу прадукцыю інакш, чым мы. Яму абсалютна ўсё роўна, што мы думаем пра сваё прадпрыемства або пра сваю прадукцыю; адзінае, што яго цікавіць: «а што атрымае ён, спажывец?». Таму нам трэба імкнуцца разумець, а што ж кліенты цэняць? Гэта могуць быць нематэрыяльныя перавагі, напрыклад, статус, адчуванне прыналежнасці да вызначанага грамадства або «фактар камфортнасці». Пазней мы зможам рабіць акцэнт на гэтых спажывецкіх перавагах у сваіх маркетынгавых пасланнях.

Цэнаўтварэнне. Граматны маркетынг звычайна спрыяе росту цаны і даходаў. Гэтага можна дасягнуць, заняўшы лідзіруючыя пазіцыі на нішавым рынку. Глыбокае разуменне пераваг, якія дае спажыўцу ваш прадукт у выпадку яго набыцця, таксама з'яўляецца падставай, каб прасіць за яго высокую цану.

Маркетынг з'яўляецца агульным абавязкам. Маркетынг зусім не абмяжоўваецца абавязкамі «аддзела маркетынгу». Функцыя маркетынгу – прывесці ўсю дзейнасць прадпрыемства ў адпаведнасці са зменлівымі патрэбамі рынкавых сегментаў. Таму ў маркетынгавую дзейнасць тым ці іншым чынам уцягнуты кожны супрацоўнік прадпрыемства.