content
Лекцыя 1. Вырашыце, чаго вы хочаце і пастаўце рэальныя мэты
На гэтых занятках мы даведаемся, як знайсці новых міжнародных спонсараў, з якімі ў вас раней не было сувязей.

У доўгатэрміновай перспектыве гэты працэс прынясе вашай арганізацыі вялікія перавагі, але майце на ўвазе, што ён запатрабуе ўкладання вашага часу, грошай і высілкаў. Немагчыма прафесійным шляхам у адно імгненне атрымаць усё, у чым мае патрэбу ваша арганізацыя.

Першая праблема заключаецца ў тым, што міжнародных спонсараў вельмі шмат, і складана зразумець, з чаго пачаць. Гэта нялёгкая задача для многіх арганізацый.

Для таго, каб пазбегнуць прастояў, трэба разбіць гэты працэс на простыя этапы.

Такім чынам, пачніце з таго, што вы ведаеце лепш за ўсё – з вашай уласнай арганізацыі. 

Па-першае, вырашыце, чаго вы хочаце дасягнуць.

Затым спытайце сябе і сваіх калег па галіне, ці рэалістычна ваша бачанне?

На сённяшні дзень спонсары хочуць бачыць планамерны і паслядоўны прагрэс у сваіх адносінах з арганізацыямі, якія яны фінансуюць. Гэта зніжае рызыкі ў працы з вамі, а планамерны прагрэс дапамагае ўмацоўваць давер паміж партнёрамі. Не забывайце, што гэтыя адносіны таксама двухбаковыя. Калі спонсары прымушаюць вас рабіць нешта, што вас не задавальняе, растлумачце ім вашы пярэчанні.

Некаторыя спонсары не возьмуцца фінансаваць праект, бюджэт якога складае менш за 40% ад леташняга абароту вашай арганізацыі.

Так што будзьце рэалістамі.

Добра спланаваны праект пакрые каля 5-10% вашых аперацыйных выдаткаў, выдаткаў на аплату працы і арганізацыю.

Таму падумайце пра тое, як ваша арганізацыя магла б павялічыць гэту суму.

Напрыклад, вы хочаце павялічыць штат, пашырыць тэмы, асартымент прадукцыі, знайсці новых спонсараў або аўдыторыю?

Дапусцім, вы вырашылі павялічыць лік краін, якія вас падтрымліваюць. А менавіта, на працягу наступных 12 месяцаў вы хочаце пачаць працаваць з адным новым спонсарам з новай краіны. Гэта мэта зараз з'яўляецца стратэгічнай, вымернай, дасягальнай (спадзяемся, забяспечанай рэсурсамі) і з выразным канчатковым тэрмінам (SMART-мэта). Зараз у вас ёсць «разумны» SMART-план з дакладнымі тэрмінамі і дакладная сума. Гэта гучыць рэалістычна і мэтанакіравана. Пасля таго, як вы іх узгаднілі, не разменьвайцеся ні на што і даручыце вашым супрацоўнікам розныя задачы для дасягнення гэтай адзінай мэты.

Вы можаце апытаць усіх калег, ці ёсць у іх якія-небудзь кантакты ў сферы мастацтва ў гэтай краіне; папрасіць рэдактара вашага вэб-сайта зрабіць матэрыялы на мове гэтай краіны, а стажора – вывучыць дзяржаўныя фонды, спонсараў, рэлігійныя фонды, магчымасці краудсорсінга і прыватныя фонды ў гэтай краіне.

Расказаць сябрам