Маркетынг уключае ў сябе не толькі маркетынгавыя камунікацыі і даследаванне рынку, але і стратэгічны маркетынг. Па сутнасцi, стратэгічны маркетынг павінен стаяць першым, бо ў першую чаргу нам трэба прыняць важныя рашэнні наконт будучай накіраванасці бізнэсу і яго дзейнасці на рынку, і толькі потым прыступаць да складання маркетынгавых тэзісаў, прасоўвання і продажаў тавараў і паслуг.

Стратэгічны маркетынг павінен цалкам адпавядаць стратэгічным планам прадпрыемства. Пачаць неабходна з вызначэння місіі, бачання і каштоўнасцей арганізацыі, якія будуць служыць надзейным падмуркам для прыняцця рашэнняў адносна маркетынгавай стратэгіі.

Далей, трэба выразна ўсведамляць, што рынак – гэта асяроддзе, дзе пануе высокая канкурэнцыя. Адны канкурэнты пераўзыходзяць нас па пэўнай прадукцыі або паслугах, ці ж абслугоўваюць вузкаспецыялізаваныя сегменты рынку. Мы можам прыняць рашэнне стаць іх прамымі канкурэнтамі. Ці ж, разважаючы са стратэгічнага пункту гледжання, абыйсці іх, сканцэнтраваўшы сваю ўвагу на тым, у чым мы іх можам перасягнуць. Замест пытання: «Што мы можам рабіць лепш за ўсё?» мы павінны задаць сабе такое пытанне: «Што мы можам рабіць лепш, чым нашы канкурэнты?» Гэта дапаможа нам вызначыць свае канкурэнтныя перавагі і выкарыстоўваць іх. А далей нам трэба проста сканцэнтраваць свае намаганні на тым, што ў нас атрымліваецца рабіць лепш, чым у нашых канкурэнтаў.

Далей нам трэба пазначыць пэўныя рынкавыя сегменты або нішы, якія хацелі б набываць тую прадукцыю, дзякуючы якой мы пераўзыходзім сваіх канкурэнтаў. Мы дасягнём поспеху тады, калі знойдзем і пачнем абслугоўваць кліента, якому патрэбен і які гатовы набыць наш прадукт. Не трэба прадаваць свой прадукт усім і
кожнаму – такі падыход можа стаць фатальным для вашага бізнэсу. Замест гэтага трэба сканцэнтравацца толькі на патрэбным спажыўцу, пры гэтым свядома адсунуўшы ў бок рынкі і сегменты, якія не могуць гарантаваць нам поспех. 

Такім чынам, эфектыўная маркетынгавая стратэгія дазваляе пераўтварыць тры асноўныя складнікі ў залатую формулу поспеху. Першы складнік – наша місія; другая – нашы канкурэнтныя перавагі; трэцяя – адабраныя рынкавыя сегменты, гатовыя набываць наш прадукт, які пераўзыходзіць свае канкурэнтныя аналагі.