Курс складаецца з 5 лекцый, якія вы зможаце праслухаць за 15 хвілін і даведацца, як атрымаць фінансаванне сваёй ініцыятывы. Нашы эксперты – Эгле Дзелтувайце, кіраўнік нацыянальнага бюро «Крэатыўнай Еўропы» ў Літве, і Эвелін Кару-Вескіойя – у Эстоніі, навучаць вас, як скласці паспяховую заяўку, падаць яе на конкурс і знайсці міжнародных партнёраў. «Крэатыўная Еўропа» – найбуйнейшая грантавая праграма ЕС, якая фінансуе праекты культурнага і аўдыёвізуальнага сектара. Асобны праект можа атрымаць фінансаванне ад 200 000 да 2 млн еўра. Пасля кароткага тэсту вы атрымаеце сертыфікат.