Для таго каб падаць заяўку на ўдзел у праграме «Крэатыўная Еўропа», арганізацыі павінны зарэгістравацца на партале ўдзельнікаў і атрымаць PIC-код.

PIC-код - гэта дзевяцізначны нумар.

Рэгістрацыя арганізацыі на партале ўдзельнікаў - нескладаная працэдура. Для гэтага неабходна ўсяго толькі крыху часу. Вы можаце зарэгістраваць арганізацыю на партале ў любы час.

Вам не трэба чакаць, пакуль пачнецца чарговы тур прыёму заявак. Калі Ваша арганізацыя ўжо зарэгістравана на партале ўдзельнікаў па іншых праграмах, напрыклад, па праграме Erasmus + або Horizon 2020, Вам не трэба рэгістравацца яшчэ раз. Аналагічна, калі Вы рэгіструеце сваю арганізацыю для ўдзелу ў праграме «Крэатыўнай Еўропы», PIC-код будзе сапраўдны і для іншых праграм, якія ажыццяўляе галоўнае ведамства. Павінна адзначыць, што дадзеная працэдура рэгістрацыі - гэта не чарговая бюракратычная прыступка на Вашым шляху. На самай справе яна значна спрашчае Вам працу па адсочванні апрацоўкі Вашых жа заявак.

Пры ўводзе PIC-кода ў заяўку, інфармацыя аб Вашай арганізацыі з'яўляецца аўтаматычна.

Усё, што Вам застаецца зрабіць - гэта праверыць актуальнасць прадстаўленай інфармацыі. Акрамя таго, Вам не трэба будзе адпраўляць усю агульную дакументацыю пра Вашу арганізацыю кожны раз пры запаўненні чарговай заяўкі.

Рэгістрацыя на партале ўдзельнікаў складаецца з трох этапаў.

Перш за ўсё чалавек, які пачынае рэгістрацыю арганізацыі, павінен стварыць для сябе, як для фізічнай асобы, рахунак ECAS. Варта памятаць, што стварэнне гэтага акаўнта не азначае, што Ваша арганізацыя ўжо зарэгістравана. Стварэнне акаўнта ECAS займае ўсяго толькі некалькі хвілін, але, не выканаўшы гэты крок, Вы не зможаце працягнуць рэгістрацыю. Пасля стварэння акаўнта ECAS Вы атрымаеце электронны ліст-пацверджанне.

На другім этапе Вы можаце пачаць рэгістраваць сваю арганізацыю на партале ўдзельнікаў. Гэта можа заняць 10-15 хвілін, калі ў Вас ёсць уся неабходная інфармацыя. Таму ўсю неабходную інфармацыю - нумары тэлефонаў, адрас, паштовы код, нумар пасведчання падаткаплацельшчыка ПДК, рэгістрацыйны нумар - раю сабраць і падрыхтаваць да таго, як пачынаць рэгістрацыю. Пасля завяршэння гэтага этапу Вы зноў атрымаеце электронны ліст-пацверджанне.

На трэцім этапе неабходна будзе загрузіць усю дадатковую інфармацыю, напрыклад, статут кампаніі, інфармацыю аб рэгістрацыі ў якасці плацельшчыка ПДК, а таксама дакументы, на якія Вы спасылаецеся ў сваім лісце-пацверджанні.

Як я ўжо казала, гэта даволі простая працэдура, але пасля завяршэння кожнага этапу Вы будзеце атрымліваць электронны ліст-пацверджанне, таму выявіце цярпенне і пачакайце, пакуль атрымаеце магчымасць перайсці да наступнага этапу. Пасля таго як Ваша арганізацыя будзе зарэгістраваная на партале, Вы зможаце змяняць і абнаўляць інфармацыю па меры неабходнасці, напрыклад, калі Ваша арганізацыя пераехала і зараз у яе іншы адрас.

Вам не трэба будзе паўторна рэгістравацца на партале, калі Ваша заяўка будзе адобрана для ўдзелу ў праграме «Крэатыўнай Еўропы». Таксама раю, каб інфармацыю аб акаўнце, адкрытым для арганізацыі, ведаў хоць бы яшчэ адзін чалавек. Гэта неабходна на выпадак, калі, напрыклад, будзе згублены пароль, або чалавек, на чыё імя быў адкрыты рахунак, пакіне пасаду ў арганізацыі.

Працэдура рэгістрацыі простая, для гэтага не патрэбны нейкія асаблівыя веды. Усё што трэба - гэта крыху часу. Таму раю пачынаць прама зараз. Жадаю поспехаў.