content
Փաստեր ջատագովության և լոբբիստների մասին
Փաստեր ջատագովության և լոբբիստների մասին

Փաստ առաջին

Ինչու են նրանց անվանում լոբիստներ

Յուլիսիս Ս. Գրանտը (1822-1886), ով քաղաքացիական պատերազմի գեներալ էր և 18-րդ ԱՄՆ նախագահը, այն մարդն է, ով, ամենայն հավանականությամբ, ամերիկյան անգլերեն է ներմուծել լոբբիստ բառը: Ասում են, որ Գրանտը հաճախ էր Սպիտակ Տնից փախչում և հանգրվանում Ուիլարդ հյուրանոցում, որտեղ սիգար էր ծխում և վիսկի խմում: Այն մարդիկ, ովքեր աշխատանք էին փնտրում, կամ ցանկանում էին իրենց տեղն ամրագրել կառավարությունում, մոտենում էին Գրանտին հյուրանոցի սպասասրահում/ անգլ.` lobby/: Ասում են` Գրանտը նրանց լոբիստ էր անվանում:

Փաստ երկրորդ

Բնակչության ընդամենը 10 տոկոսի խորին համոզմունքը բավական է` բնակչության մնացած կեսին այն ընդունել համոզելու համար:

Փաստ երրորդ

Սոցիալական կայքերի օգտատերերի 43 տոկոսը որոշում են կայացնում ավելի շատ տեղեկություն ձեռք բերել այս կամ այն քաղաքական կամ հասարակական հարցի շուրջ միայն այն պատճառով, որ այդ մասին կարդացել են սոցիալական կայքերում:

Փաստ չորրորդ

Սոցիալական կայքերի օգտատերերի 18 տոկոսին գործողությունների է դրդում այս կամ այն քաղաքական կամ հասարական հարցերին առնչվող տեղեկատվությունը, որը նրանք կարդացել են սոցիալական կայքերում:

Փաստ հինգերորդ

Ֆեյսբուքյան և թվիթերյան օգտատերերի 21 % ունեն իրենց առաքելությունը և աշխատում են այն առաջ քաշել սոցկայքերում:

Փաստ վեցերորդ  

Ֆեյսբուքյան և թվիթերյան օգտատերերի 28 % տեղադրում են քաղաքական կամ հասարակական շահերը պաշտպանող հոդվածներ, որպեսզի մյուսները կարդան:  

Փաստ յոթերորդ

Ուեբեր Շանդուիքի Ջատագովության նոր ալիք 2016 թ. միջազգային հետազոտության համաձայն` ողջ աշխարհում մարդիկ ավելի արագ են միջոցներ ձեռք առնում իրենց հետաքրքրող հարցերի վերաբերյալ և արտահայտում իրենց բողոքներն ու դժգոհությունը, քան երբևէ: Եվրոպացիների մոտավորապես երկու երրորդը/67 տոկոս/ վերջին մի քանի տարվա ընթացքում սկսել են ավելի արագ որոշումներ կայացնել` մնացած հարցվողների /63 տոկոս/ հետ համեմատ:

Փաստ ութերորդ

Եվրոպացիներից նաև ավելի քիչ ժամանակ է պահանջվում, մոտավորապես 14 օր, քան աշխարհի մնացած բնակիչներից` հիմնախնդիրներին առնչվող որոշումներ կայացնելու համար: Այսպես օրինակ, ԱՄՆ-ում նման որոշում կայացնելը տևում է 23 օր, իսկ Ասիա-խաղաղօվկիանոսյան տարածաշրջանում ` 19 օր:

Փաստ իններորդ

Ջատագովության դեմոկրատիզացիան ընթացքի մեջ է: Համաշխարհային կտրվածքով տնտեսապես ակտիվ մարդկանց 45 տոկոսը հանդիսանում է ինչ-որ մի առաքելության ջատագով, ընդ որում ամենաշատ ջատագովները տեղակայված են Եվրոպայում և Ասիա-խաղաղօվկիանոսյան տարածաշրջանում և ունեն հանդիսատեսի ամենալայն շրջանակը:

Փաստ տասներորդ

Ուժգին գործունեություն ծավալող ջատագովները կազմում են աշխարհում տնտեսապես ակտիվ բնակչության 9 տոկոսը և ակտիվորեն ներգրավվում են այնպիսի ցուցադրական գործողություններում, ինչպիսիք են բողոքները, ցույցերը , բլոգերի գրառումը` իրենց ներկայացրած առաքելությանը, հիմնահարցերին, ապրանքանիշերին և ապրանքներին աջակցություն ցուցաբերելու նպատակով: Ընտրյալների այս խումբն ունի նաև հանդիսատեսի լայն շրջանակ և իր պրոպագանդայի արդյունքում կարող է միջին հաշվով հսսնել 110 մարդու:

Թեթև գործունեություն ծավալող ջատագովները կազմում են աշխարհում տնտեսապես ակտիվ բնակչության 36 տոկոսը: Նրանք նույն պես իրենց աջակցությունն են ցուցաբերում որոշակի հիմնահարցերի, ապրանքանիշերի կամ ապրանքների բայց ոչ նույնքան խանդավառությամբ, ինչ ուժգին գործունեություն ծավալողները: Միջին հաշվով նրանք հասնում են 38 մարդու:

Փաստ տասնմեկերորդ

Ընկերների. ընտանիքի կամ աշխատակիցների կողմից տրվող հանձնարարականները ամենալավ խթանն են և ստիպում են միջազգային ջատագովների մոտավորապես երեք քառորդին /72 տոկոս/ իրենց աջակցությունը ցուցաբերել այս կամ այն առաքելությանը:

Փաստ տասներկուերորդ

Ավելի նշանակալից է բարեգործական և շրջակա միջավայրի մասին հոգացող կազմակերպությունների ազդեցությունը եվրոպացիների վրա` այս կամ այն առաքելությունն աջակցելու գործում: Ասիա-խաղաղօվկիանոսյան տարածաշրջանում նման խթան են հանդիսանում աստղերը:

Կիսվել ընկերների հետ