content
Դասախոսություն 2. Կայքի արդյունավետ կառավարումը
Մարդու ուշադրության կենտրոնացման միջին տեվողությունը 8 վայրկյան է, իսկ ոսկե ձկնիկինը՝ 9։ Կայքի այցելուների 55% ձեր կայքում անցկացնում է 15 վայրկյանից քիչ ժամանակ։ Վեբ կայք ստեղծելիս հիշեք, որ այն մրցակցության մեջ է միլիոնավոր այլ կայքէջերի հետ եվ ունի միայն մի քանի վայրկյան՝ գրավելու մարդկանց ուշադրությունը։ Ինչպե՞ս հաղթել այս մրցակցային դաշտում։

Մշակեք բարձրորակ բովանդակություն։

Մարդիկ սովորաբար փնտրում են երկու տիպի տեղեկատվություն՝ ժամանցային կամ օգտակար։ Մարդիկ զվարճանք և զգացողություններ են որոնում կամ էլ ինչ-որ այնպիսի մի բան, որը կարող է նրանց օգնել գումար վաստակել կամ կարող է տրամադրել անհրաժեշտ տեղեկություններ ընթացիկ իրադարձությունների մասին։ Սա կազմակերպությունների կողմից թույլ տրվող տարածված սխալ է՝ կազմակերպությունների կայքի բովանդակությունը կենտրոնացված է հենց իրենց վրա։ Մոռացեք այսպիսի բաժինները՝ «Մեր մասին», «Մեր պատմությունը», «Լուսանկարներ»։  Փոխարինեք դրանք ձեր լսարանի համար գուցե օգտակար ծառայությունների մասին տեղեկատվությամբ, գործնական խորհուրդներով և զարմանալի փաստերով։

Մարդկանց հետաքրքրում են ԶԼՄ-ներում արծարծվող այնպիսի թեմաներ, ինչպիսիք են՝ սկանդալները, սեքսը, սենսացիաները, փողը, սպառնալիքները, հումորը, մահը։ Ձեր պատմություններին զգացմունքայնություն հավելելու համար փորձեք կապել այդ թեմաները ձեր նախագծերի, առանցքային ուղերձների և հաղորդակցության նպատակների հետ:

Ձևերից մյուսը օգտակար բովանդակության ստեղծումն է, ներառյալ այն թեմաները, ինչպիսիք են նորությունները, կարծիքը, ջատագովությունը, խորհուրդը և կրթությունը։

Հետազոտեք թվային տեխնոլոգիաների օգտագործման տարբեր եղանակներ։  

Մշակութային և ստեղծարար կազմակերպությունները ներկայում օգտագործում են թվային տեխնոլոգիաներ՝ ստանալու նվիրատվություններ, վաճառելու իրենց արվեստի գործերը կամ միջոցառումների տոմսերը, անցկացնելու կրթական միջոցառումներ կամ ներկայացումներհամագործակցություն հաստատելու այլ հաստատությունների հետ բջջային հավելվածների միջոցով, բլոգերի միջոցով, սոցիալական մեդիայով, կայքերով, վիրտուալ իրականությամբ, ուղիղ հեռարձակմամբ և այլն։ Պարզապես հետևեք խոշոր խաղացողների միջև գործող միտումներին և նրանց կողմից կիրառվող պատշաճ աշխատակարգերին։ 

Աշխատանք վերագրերի և ձևակերպումների վրա

Մարդկանց 80%-ը կկարդա ձեր նյութերի միայն վերնագրերը։ Բայց նրանց ընդամենը 20%-ը կընթերցի բովանդակության մնացած մասը։

Վերնագրերը գրելիս առաջնորդվեք հետևյալ չորս կանոններով 

  • Ձեր վերնագիրը պետք է լինի եզակի։
  • Ձեր վերնագիրը պետք է լինի չափազանց կոնկրետ։
  • Ձեր վերնագիրը պետք է արտահայտի հրատապություն և կարևորություն։
  • Ձեր վերնագիրը պետք է լինի օգտակար անհատական ընկալման մակարդակում։

Ընդհանրապես գրեք կարճ պարբերություններ և տեքստեր։ Խուսափեք մասնագիտական ժարգոնից։

Ուշադրություն դարձրե՛ք դիզայնին և նկարներին։

Բովանդակությունը պետք է ներկայացվի առանձին բաժիններով և ավելի տեսանելի դառնա լուսանկարների կամ գրաֆիկների միջոցով՝ հեշտացնելու ընթերցողների համար ձեր կայքում տեղեկատվություն որոնելը և բաժնից բաժին անցնելը։  Համոզվեք, որ ձեր կայքը համադրելի է շարժական սարքավորումների հետ։ Ստուգեք ձեր կայքը ստուգաթերթիկով` տեսնելու, թե որքանով է օգտվողներին հարմար կամ հեշտ որոնումներ կատարել կամ տեղեկություն գտնել ձեր կայքում (օրինակ՝ դուք ունեք մշտական որոնման կոճակմարդը կարո՞ղ է իրեն վերաբերելի բովանդակություն գտնել 3 քայլով)։ Հարմարավետության և կայքի լավ դիզայնի հիմնական սկզբունքները հասանելիությունը, պարզությունը, որոնումների և էջից էջ անցնելու հնարավորությունները և հետևողականությունն են։

Օգտագործե՛ք սոցիալական մեդիան և որոնման համակարգերի օպտիմալացումը ձեր բովանդակությունը հանրահռչակելու նպատակով։

Ձեր կայքի լսարանին տարե՛ք դեպի սոցիալական մեդիա։ Ստուգե՛ք՝ արդյո՞ք օգտատերերը կարող են տարածել, կիսվել կամ հավանել ձեր կայքի բովանդակությունը։ Դուք կարող եք դիտարկել նաև տեղեկագրի ստեղծման և տարածման հնարավորությունը՝ հանրահռչակելու ձեր ունեցած բովանդակությունը։

Որոնման համակարգի օպտիմալացումը կօգնի ձեր կայքն ավելի մեծ հեշտությամբ գտնել Գուգլում կամ այլ որոնման հարթակներում։ Ձեր տեքստերում գործածեք բանալի բառեր և աշխատեք ձեր գործընկերների հետ՝ ապահովելու ձեր հոդվածների միջև կապ և հղումներ։

Գնահատեք արդյունքները

Կարող եք օգտվել Google analytics-ից՝ Գուգլի վերլուծական գործիքից՝ տեսնելու, թե ձեր կայքի ո՞ր էջերն են ամենից շատ այլցելուներ ունենում։ Ի՞նչ լեզվով են խոսում այդ այցելուները և որքա՞ն ժամանակ են անցկացնում ձեր կայքում։

Կիսվել ընկերների հետ