content
Դասախոսություն 4. Առաջին կապեր հաստատելը:
Եզրափակիչ փուլում կհանդիպեք ձեր նվիրատու կազմակերպությանը:

Ակնհայտ է, որ նվիրատուներն օրական բազմաթիվ հայտեր են ստանում: Արևելյան գործընկերության երկրում դրամաշնորհային հիմնադրամները ստանում են օրական 20 հայտ, միայն այն դեպքում, երբ դրամաշնորհների բաց  մրցույթ դեռևս չկա: Ահա, թե ինչպիսի շուկայում եք գործելու:

Լավագույն տարբերակը  նվիրատուի հետ անձնական կապ հաստատելն է, որին հասնելու համար շատ ժամանակ և բազում հանդիպումներ կպահանջվեն:Ուրեմն պետք չէ ակնկալել անհապաղ ֆինանսավորում հենց առաջին իսկ օրվանից:  Նման հարաբերություններ կառուցելը  կարող է չափազանց  խրթին լինել և թեկնածուներից պահանջում է, որ նրանք լինեն հաջողակ, համառ  և օժտված ստեղծագործ մտածելակերպով:

Ինչևէ, ահա մի քանի խորհուրդ, որոնք կօգնեն ձեզ հասնել Ձեր նպատակին:

Ստորև ներկայացված բոլոր գաղափարների իրականացման գործում փորձեք ներգրավել միջնորդների, ովքեր տեղակայված են այն երկրում, որտեղ ցանկանում եք աշխատել: Նրանք կհամակարգեն Ձեր հանդիպումները: Միջնորդները պետք է կարողանան հեշտությամբ  կապ հաստատել այն մարդկանց հետ, ում ցանկանում եք հանդիպել; Ծանոթությունները  դռներ են բացում:

Դիտարկենք մի օրինակ, որտեղ այլ երկրում տեղակայված միջազգային նվիրատուն ֆինանսավորում է հատկացնում:

Հնարավոր է, իհարկե, այսպես կոչված «հետախուզական» ուղևորության ընթացքում   փորձել երես առ երես հանդիպում կազմակերպել նվիրատուի հետ, սակայն շատ հիմնադրամներ և նվիրատուներ չեն խրախուսում նման նախաձեռնություններ արդեն նշված պայմանների պատճառով: Լավ կլինի, եթե առաջին ծանոթությանը ներկա լինի կազմակերպության տնօրենը, հիմնադիրը, նախագահը կամ հովանավորը:

Մեկ այլ տարբերակ  է թիրախային երկրում կլոր սեղանի քննարկում կամ միջոցառում կազմակերպելը: Ձեր անունից նման միջոցառումներ կարող են կազմակերպել այդ երկրում տեղակայված խորհրդատու կամ գործընկեր կազմակերպությունները: Ներգրավեք մեծ համբավ վայելող  բանախոսի, ով կկարողանա հանրության ուշադրությունը գրավել: Կրճատված ճամփորդական բյուջեն և առցանց հանդիպումների աճը ենթադրում են, որ Լոնդոնում և Վաշինգթոնում տեղակայված նվիրատու կազմակերպությունների աշխատակիցները ավելի հազվադեպ են ճանապարհորդում:   Այսպիսով, նրանց համար հետաքրքիր է հանդիպել մարդկանց, ովքեր ներկայացնում են իրենց կողմից ֆինանսավորվող կազմակերպությունները:  

Ավելի էժան տարբերակ է ճանապարհորդելու փոխարեն միջոցառումը  նվիրատուի լեզվով ուղիղ եթերով հեռարձակելը   թիրախային  լսարանին հարմար ժամին և այն սոցիալական ցանցերում գովազդելը: 

Որպեսզի  նշված տարբերակներից որևէ մեկը աշխատի, դուք պետք է պատկերացնեք, թե ինչ կոնկրետ հարցեր է ցանկանում լուծել նվիրատուն: Բանավեճի ընթացքում կնշվեն նվիրատուների հարցադրումների պատասխանները:

Նվիրատուների ուշադրությունը գրավելու մեկ այլ միջոց է նրանց այցելած միջոցառումներին և գիտաժողովներին ներկա լինելը: Անպայման չէ, որ այնտեղ ելույթ ունենաք, կարող եք պարզապես ներկայացնել Ձեր կազմակերպությունը: Նման դեպքերում փորձեք առաջինը հարցեր ուղղել հարց և պատասխան փուլում, որպեսզի Ձեզ հիշեն: 

Միջոցառումից հետո մոտեցեք նվիրատուին և հարցեր ուղղեք  նրանց ելույթի մասին կամ հայցեք նրանց խորհուրդը  ինչ-որ հարցի վերաբերյալ: Այնուհետև թողեք նրանց մոտ Ձեր այցեքարտը և համառոտ մի փաստաթուղթ, որտեղ ներկայացված է Ձեր կազմակերպությունը և Ձեր կազմակերպության առաքելությունը, ինչպես նաև նշված են հետադարձ կապի տվյալները: Փորձեք այնպիսի ուղերձ մշակել,որի   խնդրառական տոնը պարզ և հասանելի լինի նվիրատուին:  Հարցրեք նվիրատուին, թե արդյոք առանձին հանդիպման հնարավորություն կընձեռեն Ձեզ: Միգուցե առաջին անգամ Ձեր բախտը չբերի, բայց համառություն դրսևորելու և կազմակերպության տարբեր  անձանց դիմելու ընթացքում` դուք կգտնեք համապատասխան  մարդուն:  

Մեկ ուրիշ տարբերակ է  ձեզ համար  ներկայացուցիչ գտնելը:   Դա կարող է կես դրույքով աշխատանք լինել: Աշխարհի այնպիսի խոշոր մայրաքաղաքներում, ինչպիսիք են Լոնդոնը, Վաշինգթոնը և Բրյուսելը, դեռ կան մարդիկ, ովքեր աշխատել են որոշակի գործակալության համար, և ովքեր մուտք ունեն այն միջոցառումներին, որտեղ կկարողանան  խոսել Ձեր անունից: Նման մոտեցումը ծախսերի առումով արդյունավետ է այն դեպքում, երբ մեծ ֆինանսավորում եք փնտրում:  

Վերջապես կարող եք դառնալ եվրոպական ցանցի ակտիվ անդամ: Միայն ցանցերի թիվը Մշակույթի և ստեղծարարության հատվածում 50-ից ավել է, այնպես որ հաստատ կգտնվի Ձեր կազմակերպությանը համապատասխանող մի ցանց: Նման կերպ կկարողանաք համագործակցել Ձեր նվիրատուի երկրում տեղակայված նմանատիպ մի կազմակերպության հետ, որը ֆինանսավորում է ստանում հենց նույն նվիրատուից և համատեղ ծրագրի միջոցով կարող եք տեղեկանալ, թե ինչպիսի ֆինանսավորում է տրամադրում այդ նվիրատուն:    

Ձեզ հաջողություն եմ մաղթում:

Կիսվել ընկերների հետ