content
Դասախոսություն 3. Արտաքին միջավայրի արտապատկերում
Ինչքան լավ հասկանանք այն արտաքին ուժերը, որոնք իրենց ազդեցությունն են թողնում ռազմավարական հիմնահարցի վրա, այնքան ավելի շատ է հավանականությունը, որ մեր ջատագովությունը կհասնի իր նպատակին:

Արտաքին ուժերը դիտարկելիս, մի մտածեք միայն այն մասին, թե ինչպիսի ազդեցություն դրանք կթողնեն ձեզ և ձեր կազմակերպության վրա, բայց նաև, թե ինչպիսին կլինի ազդեցությունը արշավի շահառուների, կազմակերպության նվիրատուների և այլ ներգրավված անձանց վրա: Գնահատեք` ինչպիսին կլինի արտաքին ուժերի ազդեցությունը շահագրգիր ուժերի վրա, երբ սկսեք արշավը , և ինչ նշանակություն կունենա այն փոփոխվող արտաքին միջավայրում ներգրավված անձանց համար:

Ազգային կամ տարածաշրջանային մակարդակում իշխանություն կամ ազդեցություն վայելող ուժերը հետևյալն են.

  • Քաղաքական գործիչներ և կառավարության պաշտոնական կուսակցություններ

  • Քաղաքացիական ծառայողներ

  • Հավատք ներկայացնող կազմակերպություններ և դրանց առաջնորդները

  • Գործարար ընկերակցություններ և մեծ ընկերություններ

  • Իրավաբաններ, դատավորներ, բժիշկներ, ակադեմիկոսներ, ուսուցիչներ և այլ արհեստավարժներ

  • Զանգվածային լրատվամիջոցներ /հեռուստացույց, ռադիո, լրագրեր և ամսագրեր/

  • Սպառողական կազմակերպություններ և խմբեր

  • Կանանց խմբեր

  • Հասարակական և քաղաքացիական հասարակության կազմակերպություններ

  • Տարածաշրջանային հաստատություններ. ԵՄ, տարածաշրջանային առևտրային խմբեր և այլն:

  • Միջազգային հաստատություններ. Համաշխարհային բանկ, Արժույթի միջազգային հիմնադրամ, Համաշխարհային առևտրական կազմակերպություն, ՄԱԿ-ին կից գործակալություններ:

Վերոհիշյալ ցուցակից անհրաժեշտ է ճանաչել այն մարդկանց, ում կհետաքրքրեն մեր խնդիրները, գնահատել նրանց դրել, ճանաչել նաև նրանց, ում վրա արշավը կարող է ճնշում գործադրել կամ բացասական ազդեցություն թողնել:

Ջատագովության արշավի շահագրգիռ կողմերը սովորաբար բաժանվում են 4 խմբի. Թիրախային խմբեր`

  • Որոշում կայացնողներ` մարդիկ, ովքեր օժտված են անհրաժեշտ փոփոխություններ կատարելու իշխանությամբ

  • Մարդիկ, ովքեր կարող են ազդել որոշում կայացողների վրա:

Հավատարմատուներ`

  • Մարդիկ, ում հետ և ում համար դուք աշխատում եք:

  • Մարդիկ, ովքեր օգուտ կքաղեն ձեր ջատագովությունից:

Դաշնակիցներ`

  • Նրանք, ում հետ ունեք համատեղ նպատակներ, և ովքեր կարող են ներազդել և ճնշում գործադրել որոշում կայացնողների վրա:

Ընդդիմախոսներ`

  • Մարդիկ, ովքեր հակադրվում են այն ամենին, ինչ ցանկանում եք ձեռք բերել, և կաշխատեն խոչընդոտել այն փոփոխություններին, որոնք ցանկանում եք տեսնել:

Վերջապես անհրաժեշտ է բացահայտել այն անձանց, ովքեր կարող են ազդել նախաձեռնության վրա և այն մասնակիցներին, ովքեր օժտված են խնդրի լուծմանը ներազդելու իշխանությամբ: Այս վերջին վերլուծությունը հայտնի է իշխանություն արտապատկերում անվամբ և բացահայտում է, թե ինչ տեսակի իշխանություն է անհրաժեշտ գործը գլուխ բերելու համար: Իշխանության արտապատկերումը մեզ հատկապես կօգնի դաշինք կազմելիս, երբ կողմնորոշվում ենք, թե ում հետ պետք է զարգացնենք մեր հարաբերությունները և քաղաքացիների համախմբման գործում, այսինքն` ում կարող ենք օգտագործել, որպեսզի խրախուսենք մարդկանց միանալ մեզ և մեր առաքելությանը: Եթե մտովի պատկերացնենք մարդկանց , կազմակերպությունների և հաստատությունների միջև առկա հարաբերությունները տվյալ համատեքստում, ապա կտեսնենք նաև, թե ինչ օգուտ կարող են բերել հարաբերությունները: Իշխանության արտապատկերումը մեզ թույլ է տալիս հասկանալ, թե ովքեր են այն գլխավոր անձիք, ովքեր օժտված են մեր նախընտրած ճանապարհով փոփոխություններ կատարելու իշխանությամբ, և ում միջոցով մենք կարող ենք հասնել մեր նպատակներին կամ ազդեցություն գործել թիրախային խմբերի վրա: Երբեմն իշխանության արտապատկերումը կարող է բացահայտել երրորդ անձանց, ում ներկայությունը հաշվի չէիք առել:

Մեկնաբանենք օրինակով: Դիցուք, ձեր հիմնական թիրախի առարկան Մարիան է` քաղաքապետը: Թղթին հանձնեք այն բոլոր կապերը և ճանապարհները, որ կարող են ձեզ տանել նրա մոտ, այնուհետև մի պահ մտածեք, թե ինչպես կարող եք կապ ստեղծել նշված մարդկանց և հաստատությունների միջև:

Եկեք մի պահ պատկերացնենք, որ Մարիայի ամուսինը, նրա լավագույն ընկերը և քաղաքապետարանի աշխատակիցներից մի քանիսը երգում են միևնույն երգչախմբում: Նույնիսկ եթե Մարիան ներգրավված չէ երգչախմբում, երգչախմբի ազդեցությունը բավականին մեծ է նրա վրա, իսկ երգչախմբի խմբավարը կարող է անմիջականորեն առնչվել ձեզ կամ ձեր կազմակերպությանը:

Վերլուծեք քարտեզը և կենտրոնացեք այն մասնակիցների վրա, ում կապերի շրջանակը ամենալայնն է, կամ ովքեր ծանոթ են այն մարդկանց, ում «թիրախ» եք համարում: Ընդգծեք նշված մարդկանց և փորձեք հասկանալ, թե ինչպես կարող եք կապ հաստատել նրանց հետ: Ձեր ռազմավարության մշակմանը կօգնի նաև նշված կապերի հիման վրա քարտեզի ընդլայնումը:

Իշխանության բաշխման քարտեզը իրականում առաջին քայլն է ջատագովության արշավի ռազմավարության մշակման գործում: Ավարտուն քարտեզը ձեզ կօգնի կողմնորոշվել ` ինչպես և որտեղ դիմել գործողությունների: Այս ամենի մասին` մեր հաջորդ տեսանյութում:

Կիսվել ընկերների հետ