Օրինակ, ՄԹ-ում մի հովանավորի հետաքրքրում էր` հոգաբարձուների խորհրդի անդամները նախկինում ինչպիսի փորձ են ունեցել այն շահառուների հետ, ում հետ դուք ցանկանում եք համագործակցել:  Եթե ձեր խորհրդում կան հայտնի կամ ազդեցիկ մարդիկ, ովքեր փորձ չունեն նախագծի թեմային առնչվող ոլորտում կամ նախագծի իրականացման վայրում, ապա անհրաժեշտ է ներգրավել փորձառու անդամների:

Որոշ հովանավորների կարող է հետաքրքրել կազմակերպության դիրքորոշումը ինչ-որ խնդիրների վերաբերյալ, ինչպես օրինակ գենդերային քաղաքականությունը, հաշմանդամություն ունեցողներին ընձեռվող հնարավորությունները, կազմակերպության դիրքորոշումը թմրադեղերի, մանկական աշխատուժի նկատմամբ, ինչպես նաև  ֆինանսական աուդիտը: Ցանկալի է մշակել և թղթին հանձնել այս հարցերի պատասխանները` նախքան ֆինանսավորման դիմելը: Շատ կասկածելի կլինի, եթե ձեր գենդերային ռազմավարության փաստաթուղթը մեկ օրվա վաղեմություն ունենա:

Եթե հովանավորը աուդիտ է պահանջում, ապա ճշտեք հաճախականությունը: Մեծ տարբերություն կա փաստաթղթերը երեք տարին և վեց ամիսը մեկ անգամ ներկայացնելու մեջ: Աուդիտը ժամանակատար է  և մանրակրկիտ աշխատանք է պահանջում: Այդ պատճառով, համոզվեք, որ ունեք համապատասխան աշխատակից և համակարգ` այդ գործընթացը իրականացնելու համար: Փաստաթղթերը պետք է լինեն ձեռքի տակ և կատարյալ ճշգրիտ լինեն:

Որոշ հովանավորներ կարող են պահանջել առանձին հաշվեհամարներ իրենց նախագծին հատկացվող միջոցների համար: Մյուսները նախընտրում են վճարել  նախագծի ավարտին,  այնպես որ ստուգեք, արդյոք դուք կարողանում եք փակել այդ ծախսերը և ավելացրեք մի քանի ամիս`գումարը ետ վերադարձնելու նպատակով:

Մյուսները կարող են պահանջել, որ իրենց երկրում դուք մուտք գործեք հարկային դաշտ կամ գրանցված լինեք որպես իրավական  անձ: Սրանք մեծ և ծախսատար քայլեր են: Եթե այս գործընթացում հանկարծ սխալ թույլ տաք, ապա կարող եք հարկադրված լինել ձեր կազմակերպությամբ: Զարգացող երկրներում  նման ձախողված կազմակերպությունները շատ են: Շատ հաճախ սա արդյունք է այն բանի, երբ  այլ մայրցամաքում գտնվող դրամահավաքային գրասենյակը սկսում է  ինքնուրույն գործել` անկախ այն ցանցից, որին  ծառայելու համար էին ստեղծվել:

Եթե նոր վայրում  նոր  գրասենյակ եք ստեղծում,  այն պետք է գլխավորի Ձեր ցանցից ինչ-որ մեկը:

Որոշ նվիրատուներ էլ կսկսեն հետաքրքրվել կադրային հագեցվածությամբ,  տարեկան շրջանառությամբ, ֆինանսական պաշարներով, իրավաբանական գրանցմամբ, հարկային հաշվետվություններով և այլն:  Հանձնարարեք, որ Ձեր վարչական աշխատողը վերանայի այս պահանջները և քննարկեք, թե որքանով եք համապատասխանում այդ պահանջներին, նախքան նվիրատուի հետ հանդիպելը: Վարդագույն ակնոց մի կրեք  դրամահավաքային գործընթացը մեկնարկելիս: Ժամանակը թանկ է, մի վատնեք այն:

Նշված բոլոր գրասենյակային ընթացակարգերի վրա ժամանակ ծախսելը վատնում չէ, քանի որ նման պահանջներ կներկայացվեն նաև այլ նվիրատուների կողմից: Վերոնշյալ բոլոր վարչական համակարգերի առկայությունը Ձեր կազմակերպությունը կդարձնի ավելի մրցունակ, վստահելի և գրավիչ նվիրատուների աչքում: