content
Դասախոսություն 3. Ծրագրի առաջարկներ գրելու «պատվիրանները»
Այս հատվածում կցանկանայի Ձեզ ներկայացնել ծրագրի առաջարկներ գրելու «պատվիրանները»:

1. Երբևէ մի մտածեք շարադրել Ձեր առաջարկը բազում հարցերի առկայության պարագայում: Ձեզ անհրաժեշտ է հստակեցնել հետևյալը. 

  • Հստակ գաղափար

  • Ռազմավարական գերակայությունների և նախնտրությունների հավաքակազմ

  • Գործողությունների մանրամասն պլան, բովանդակություն և ժամանակացույց:

Այս ամենը պետքէ մշակվի Ձեր գործընկերների հետ համատեղ` որպես հիմք ընդունելով առանձնահատուկ խնդիրների և միջավայրի վերլուծությունը:

2. Ընտրեք Ձեր նախագծին հարմար ֆինանսավորող ծրագիր/ կամ անձ

  • Վերլուծեք ծրագրի առաջնահերթությունները, որպեսզի տեսնեք` արդյոք ձեր նախագիծը համապատասխանում է դրանց:

  • Ուշադիր կարդացեք փորձագետների գնահատման չափորոշիչները, որպեսզի անհրաժեշտության դեպքում կարողանաք անդրադառնալ դրանց:

  • Ստուգեք արդեն ընտրված նախագծերի ցուցակը, որպեսզի հասկանաք, թե բառերի հետևում իրականում ինչ կա թաքնված:

  • Գերազանց կլինի, եթե կարողանաք հանդիպել որոշ շահառուների: 

3. Անդրադարձեք ծրագրի ուղեցույցին.

- Համարյա անգիր արեք այն:

- Մեկնաբանեք, որպեսզի հասկանաք, թե որն է դրա նշանակությունը Ձեր ծրագրում:

- Համոզված եղեք, որ այն հստակ կիրառել եք ձեր հայտադիմումը լրացնելիս:

4. Ապացուցեք փորձագետներին, որ փորձագետ եք ձեր ընտրած ոլորտում:

Համոզեք փորձագետներին, որ այն ինչ գրել եք իրականություն է, այլ ոչ թե երևակայության արգասիք, որ գրել եք պարզապես գումար հայթայթելու նպատակով: Հղում կատարեք տարածաշրջանային, ազգային և միջազգային զեկույցներին և հրապարակումներին, որպեսզի համոզվեք ձեր կողմնորոշման, փորձառության և ծանոթությունների մեջ:

5. Փորձագետներն էլ են մարդ, մի նյարդայնացրեք նրանց: Նրանք սովորաբար ստիպված են լինում ընթերցել հարյուրավոր հայտադիմումներ և անհրաժեշտ է, որ ստանան հստակ և լավ կառուցված տեքստ:

  • Հակիրճ և բովանդակալից պատասխանեք հարցերին

  • Մի ընդգրկեք չհաստատված տեղեկատվություն:

  • Մի հակասեք ինքներդ Ձեզ:

  • Մի խոստացեք մի բան, որ չեք կարողանա իրականացնել:

Մի մոռացեք, որ նրանք սովորաբար ծանոթ չեն Ձեր հաստատությանը կամ գործընկերներին: Այս իսկ պատճառով էլ, կարևոր մանրամասներ բաց մի թողեք:

6. Առաջարկը հարկ է գրել լավ լեզվով, սակայւ ոչ ոք չի ակնկալում, որ այն լեզվակիրների անգլերենով գրված կլինի: Փորձեք հետևյալը` լեզուն կատարելագործելու համար.

  • Հավասարապես կիրառեք բարդ և խոսակցական լեզվամիջոցներ:

  • Գտեք և ընդգծեք բանալի բառերը:

  • Կիրառեք գովազդելու` Ձեր հմտությունները, գտեք գրավիչ վերնագրեր:

7. Ժամանակը կլինի ձեր հիմնական հակառակորդը հայտադիմումներ լրացնելիս.

  • Վաղ սկսեք և ուշադիր պլանավորեք:

  • Համոզված եղեք, որ բոլոր վավեր փաստաթղթերը մի տեղ եք հավաքել:

  • Նախքան հանձնելը` խնդրեք ուրիշներին կարդալ Ձեր առաջարկը, որպեսզի զերծ մնաք որևէ բովանդակային, տրամաբանական կամ լեզվական սխալներից:

  • Երեք անգամ ստուգեք ամեն ինչ: Սխալվելը հեշտ է, հատկապես`ծավալուն միջազգային հայտադիմում լրացնելիս:

8. Այնպես գրեք, որ ձանձրալի չլինի: Այն, ինչ ձանձրալի է Ձեզ համար, ձանձրալի կլինի նաև ուրիշների համար: Ընդմիջումներ արեք աշխատելիս: 

Կիսվել ընկերների հետ