content
Դասախոսություն 1. Որոշեք` ինչ եք ուզում, եվ ինչն է իրատեսական
Դասընթացի ընթացքում մենք կբացահայտենք, թե ինչպես կարելի է գտնել միջազգային նվիրատուների, ում հետ նախկինում կապ չեք հաստատել:

Չնայած այս գործընթացը կհանգեցնի երկարաժամկետ օգուտների, անհրաժեշտ է գիտակցել, որ այն Ձեր կազմակերպությունից կպահանջի ջանքերի, ժամանակի և գումարի ներդրում: Ձեր կազմակերպության  նպատակներին միանգամից հասնելու արհեստավարժ եղանակ գոյություն չունի: 

Խնդիրներից առաջինն այն է, որ մեծ է միջազգային նվիրատուների թիվը, և այս առումով դժվար է որոշել` որտեղից սկսել որոնումները:  Հենց այդ պատճառով են բազում կազմակերպություններ բարձրաձայնում իրենց մտահոգությունը այն մասին, որ չգիտեն, թե ինչից պետք է սկսեն:

Անգործունությունից խուսափելու նպատակով ողջ գործընթացը անհրաժեշտ է  տրոհել մի քանի պարզ քայլի և սկսել այն բանից, ինչը լավ եք ճանաչում, այսինքն` Ձեր կազմակերպությունից:

Սկզբում սահմանե՛ք ձեր նպատակը:  

Այնուհետև հարցրեք ձեզ և ձեր ընկերներին, թե որքանով է իրատեսական Ձեր տեսլականը: Մենք ապրում ենք մի աշխարհում, որտեղ նվիրատուները ցանկանում են տեսնել աստիճանական, քայլ առ քայլ զարգացում իրենց և հովանավորվող կազմակերպության միջև հարաբերություններում: Նման զարգացումը ոչ միայն կնվազեցնի ռիսկը աշխատանքային հարաբերություններում, այլև վստահություն կներշնչի գործընկերներին:

Մի մոռացեք նման հարաբերությունների երկկողմանիության մասին. եթե Ձեզ ստիպում են դեմ գնալ ձեր ցանկություններին, ապա  խոսեք այդ մասին  նրանց հետ:

Որոշ նվիրատուներ չեն հովանավորում նախագծեր, որոնց բյուջեն գերազանցում է Ձեր կազմակերպության վերջին 12 ամսվա շրջանառության 40 տոկոսը: Այսպիսով, փորձեք իրատես մոտեցում ցուցաբերել:

Լավ նախագիծը պետք է ունենա ձեր ընթացիկ ծախսերի, անձնակազմի և կազմակերպության տրամադրած ժամանակի 5%-10%-ը: Այդ իսկ պատճառով էլ մտածեք, թե ինչպես եք պատկերացնում  ձեր կազմակերպության գործունեության շրջանակի ընդլայնումը այս առումով:  Այսպես, օրինակ, արդյո՞ք ցանկանում եք զարգացնել ձեր գործունեության շրջանակը անձնակազմի, բնագավառի, ապրանքի, նվիրատուների կամ լսարանի առումով:

Դիցուք ցանկանում եք, որ աճի Ձեզ աջակցող երկրների թիվը: Ավելի կոնկրետ` առաջիկա 12 ամսում ցանկանում եք աշխատել նոր երկրից մեկ նոր նվիրատուի հետ: Այս նպատակը ռազմավարական է, չափելի, հասանելի (հուսանք`ռեսուրսներով հագեցած) և ժամանակի մեջ հստակեցված: Այնուհետև նախագծել` SMART ծրագիր`  սահմանելով վերջնաժամկետները և հստակեցնելով թվերը: Սա իրատեսական է և կենտրոնացված: Այս ամենը հաստատելուց հետո յուրաքանչյուր գործողության համար պատասխանատու նշանակեք ձեր կազմակերպությունից մեկին: Այս ամենը կօգնի հասնել վերջնական նպատակին:

Նախնական  փուլում Ձեր գործընկերներին կարող եք հարցուփորձ անել այդ երկրի արվեստի բնագավառում իրենց ունեցած ծանոթությունների մասին, կարող եք Ձեր կայքի խմբագրին խնդրել տվյալ երկրի լեզվով նյութեր կազմել,  ինտերնին հանձնարարել ուսումնասիրություն անել տվյալ երկրի կառավարական միջոցների, կրոնական հիմնադրամների, հովանավորների, զանգվածային դրամահավաքի միջոցների և մասնավոր հիմնադրամների մասին: 

Կիսվել ընկերների հետ