Ես նախընտրում եմ «հաճախորդներին լսելը», քանի որ «շուկայի հետազոտություն» եզրը շատ մարդկանց մոտ սերտորեն զուգորդվում է մեծ կորպորոցիաների կողմից գործարկվող թանկարժեք և բարդ վարժանքների հետ: Հետևաբար, ստեղծարար հատվածի ավելի փոքր ձեռնարկություններ կարծում են, որ իրենք չեն կարող տրամադրել անհրաժեշտ ժամանակ և գումար այդ հետազոտությունը կատարելուն: Դրա հետ մեկտեղ, շուկայի հետազոտություն կատարելու հիմնական խոչընդոտը ժամանակը կամ գումարը չեն, այլ` մեծամտությունը:Չէ որ, եթե մտածում եք, որ գիտեք ամեն ինչ բիզնեսի մասին և հաճախորդներից սովորելու բան չունեք, նրանց երբևէ չեք լսի:

Եթե կարծում եք, որ քաջատեղյակ եք, թե ինչ արժեքներ ունեն մեր հաճախորդները, ինչքան են վճարում և ինչպիսի փոփոխություններ կնախընտրեին, հաճախորդներին լսելը անիմաստ կթվա:

Դրա հետ մեկտեղ, եթե վերաբերենք մեր ընտրած և սիրված հաճախորդներին, որպես գործընկերների, կցանկանանք իմանալ նրանց կարծիքը: Եթե գիտակցենք, որ նրանք կարող են բոլորովին այլ դիտանկյունից դիտարկել մեր արտադրանքը, մենք կփորձենք հասկանալ այդ դիտանկյունը: Եթե հավանություն տանք մեր հաճախորդների գաղափարներին և ցանկանանք դրանք օգտագործել, մեր կողմից հիմարություն կլինի նրանց կարծիքը հաշվի չառնելը:

Մեր ստեղծարարությամբ կարող ենք մշակել խելացի, պարզ և մատչելի միջոցներ, որոնք մեզ կօգնեն լսել մեր հաճախորդներին և հաշվի առնել նրանց գաղափարներն ու տեսակետները:

Մենք կարող ենք հայցել հաճախորդների կարծիքը մեր ապրանքների վերաբերյալ, կարող ենք նրանց խրախուսել հանդես գալ առաջարկություններով, կարող ենք իմանալ նրանց նախասիրությունները: Մենք կարող ենք առցանց հարցում անցկացնել կամ պարզապես զրուցել նրանց հետ ոչ պաշտոնական միջավայրում, կարող ենք ֆոկուս խմբեր կազմել կամ օգտատերերի հարթակ բացել: Եթե գործի դնենք երևակայությունը, շատ բան կարող ենք անել: Այսպիսով, մենք կարող ենք կատարելագործել ստեղծարար ձեռնարկությունները` լսելով մեր կողմից ընտրված շուկայի հատվածին և համարելով, որ մեր ամենալավ հաճախորդները մեր գործընկերներն են: