content
Դասախոսություն 2. Մարքեթինգային ռազմավարություն
Մարքեթինգային ռազմավարությունը յուրաքանչյուր ձեռնարկության ուրույն բանաձևն է, որի հիմքում ընկած են կազմակերպության առաքելությունը, ձեռնարկության դիրքավորումը շուկայում և ամենայն ուշադրությամբ ընտրված հաճախորդները:

Մարքեթինգը ընդգրկում է ոչ միայն մարքեթինգային հաղորդակցումը և շուկայի հետազոտությունը, այլև` ռազմավարական մարքեթինգը: Իրականում, առաջինը հենց սա է անհրաժեշտ հաշվի անել: Մեզ հարկավոր է հիմնական որոշումներ կայացնել շուկայում բիզնեսի միտումների և կողմնորոշման վերաբերյալ նախքան մարքեթինգային հաղորդագրությունները, առաջխաղացումը և վաճառքը քննարկելը:

Ռազմավարական մարքեթինգը անհրաժեշտ է ամբողջովին համապատասխանեցնել ձեռնարկության ռազմավարական ծրագրին:

Այս սկզբունքներն այնուհետև ամուր հիմք են ստեղծում մարքեթինգային ռազմավարության վերաբերյալ որոշումների կայացման համար:

Մեր հաջորդ քայլը շուկայի մրցունակ լինելն ընդունելն է: Որոշ մրցակիցներ մեզնից լավ են թողարկում որոշակի ապրանքներ կամ մատուցում որոշակի ծառայություններ կամ ավելի արդյունավետ են գործում շուկայի խորշերում:

Մենք կարող ենք կամ ուղղակի մրցակցության մեջ մտնել նրանց հետ կամ ռազմավարական տեսանկյունից խորամանկությամբ գերազանցել նրանց և կենտրոնանալ միայն նրա վրա, ինչը մեզ մոտ լավ է ստացվում: Հարցը, որ պիտի ուղղենք ինքներս մեզ, հետևյալն է. «Ինչու՞մ կարող ենք գերազանցել մեր մրցակիցներին»: Սա կօգնի մեզ բացահայտ օգտագործել մեր մրցակցային առավելությունները և հասկանալ, թե ինչպես կարող ենք գերազանցել մեր մրցակիցներին: Անհրաժեշտ է գտնել նաև շուկաների այն հատվածները, որոնք ցանկանում են սպառել այն, ինչ մեզ մոտ լավ է ստացվում: Հաջողության բանալին հենց այն հաճախորդներին գտնելն է, ովքեր կարիք ունեն այն ամենի, ինչ մենք կարող ենք առաջարկել: Ճակատագրական սխալ կլինի, եթե փորձենք բոլորին առաջարկել մեր ծառայությունները: Դրա փոխարեն անհրաժեշտ է կենտրոնանալ ճիշտ հաճախորդների վրա և գիտակցաբար խուսափել շուկայի այն հատվածներից, որտեղ հաջողության հասնել չենք կարող:

Այսպիսով, հաջողված մարքեթինգային ռազմավարության նպատակն է համակցել 3 հիմնական բաղադրիչը հաղթական բանաձևում: Առաջինը մեր առաքելությունն է, երկրորդը` մեր մրցակցային առավելությունը, երրորդը` շուկայի այն հատվածները, որոնք կգնեն այն ապրանքները, որոնց արտադրությամբ մենք աչքի ենք ընկնում:

Կիսվել ընկերների հետ