Առաջինը`անհրաժեշտ է հստակեցնել շուկան, այնուհետև` կառուցել հստակ ուղերձը, իսկ հետո ընտրել այն փոխանցելու լավագույն եղանակը: Այս հնարքը զարմանալիորեն պարզ է և արդյունավետ: Թեև սրա տրամաբանությունը հասկանալի է բոլորին, մարքեթինգային հաղորդակցման շատ սխալներ և ձախողումներ հիմնականում տեղ են գտնում այս հեշտ մեթոդին չհետևելու արդյունքում:

Նաև և առաջ` յուրաքանչյուր ապրանքի և ծառայության համար բացահայտեք թիրախային շուկան կամ մի քանի տարբեր շուկաներ: Շուկան մարքեթինգի առաջին բաղադրիչն է:

Երկրորդ` յուրաքանչյուր շուկայի համար կազմեք ուղերձ: Եթե մի քանի շուկայի հետ եք գործ ունենալու, հնարավոր է, որ յուրաքանչյուր շուկայի համար առանձին ուղերձ անհրաժեշտ լինի: Ուղերձն, անշուշտ, պետք է ընդգծի հաճախորդների շահերը: Ձեր երկրորդ բաղադրիչը ուղերձն է: Ուղերձի փոխանցման եղանակը երրորդ բաղադրիչն է, որի օգնությամբ մենք կարող ենք յուրաքանչյուր շուկայի հասցնել համապատասխան ուղերձները: Անհրաժեշտ է ընտրել փոխանցման լավագույն միջոցը` ուշադրությունը կենտրոնացնելով շուկայի հաճախորդների վրա:

Այս ամենը տրամաբանական է հնչում, սակայն մարդիկ դեռ սխալվում են: Նրանց հիմնական սխալը կայանում է նրանում, որ մարդիկ սխալ հերթականությամբ են դիտարկում մարքեթինգի հիմնական բաղադրիչները: Սկզբում նրանք ընտրում են փոխանցման եղանակը, այնուհետև` ուղերձն ու շուկան: Նրանք հմայվում են փոխանցման որոշակի եղանակով և այլևս ուշադրություն չեն դարձնում այն հանգամանքին, թե որքանով է այն համապատասխանում ուղերձին կամ շուկային: Սա հիմնականում տեղի է ունենում այն դեպքերում, երբ նրանք որպես փոխանցման եղանակ են ընտրում սոցցանցերը /նորաձև լինելու նպատակով / կամ կայք /քանի որ բոլորն այն ունեն/, կամ տպագրված ազդագիր-թերթիկներ/, քանի որ հատուկ առաջարկ են ներկայացնում/:

Չի կարելի ասել, որ նշված եղանակներից որևէ մեկը լավ կամ վատ է. ամեն ինչ կախված է այն բանից, թե որքանով արդյունավետ այն կլինի ընտրված շուկայում: Այդ իսկ պատճառով էլ, անհրաժեշտ է գործածել այս բաղադրիչները ճիշտ հերթականությամբ` հաղորդակցումն ավելի նպատակային, հստակ և հաջողված դարձնելու նպատակով: