Մշակույթը որպես գիտելիքի շտեմարան և հաղորդիչ

Եթե ուզում եք պատկերացնել 19-րդ դարի առաջին կեսին Անգլիայի հարավում տիրող հասարակական բարքերը` սկսած պարերից մինչև առօրյա կյանք, ձեզ կօգնեն ոչ միայն պատմական գրքերը, այլև Ջեյն Օսթինի վեպերը: Շերլոք Հոլմսի մասին պատմող գրքաշարից էլ կարող ենք տեղեկատվություն քաղել դարասկզբյան Լոնդոնի մասին:

Մշակույթը ստեղծում է արժեքներ ու խորհրդանիշներ  

Նույնիսկ մորուքը, կամ դրա բացակայությունը կարող է որպես արժեք կամ խորհրդանիշ հանդիսանալ: Այսպես, օրինակ, 1705 թվականին Պետրոս Առաջինը, ով իր առջև նպատակ էր դրել եվրոպականացնել Ռուսաստանը, պարտադրեց, որ մորուք կամ բեղ ունեցող տղամարդիկ հարկեր վճարեն:   Իսկ 300 տարի անց` 1999 թվականին, տեղի ունեցավ առաջին Movember /անգլ. moustache- բեղ և November-նոյեմբեր բառերից/ բարեգործական միջոցառումը: Միջոցառման մասնակիցները այն տղամարդիկ էին, ովքեր ողջ նոյեմբեր ամսվա ընթացքում ածելիով չէին դիպչում իրենց բեղերին: Միջոցառման նպատակն էր հանրության ուշադրությունը սևեռել շագանակագեղձի քաղցկեղի խնդրին և բարեգործական հիմնադրամի համար գումար հավաքել: Երկու դեպքում էլ  խորհրդանիշներն իրենց ազդեցությունն ունեցան  մշակույթի հաջորդիվ զարգացման վրա:

Մշակույթը զարգացնում է

Մշակութային կյանքին մասնակցությունը և ստեղծագործ ներուժը էական դեր խաղացին Վերածննդի ‹‹Բազմակողմանի զարգացած մարդու›› ձևավորման գործում: Վառ օրինակ է Լեոնարդո դա Վինչին, ով համակցում էր գիտական  և գրական աշխատանքը արվեստի հետ: 

Մշակույթն ամրապնդում է սոցիալական կապերը

Ամեն տարի “Kraina Mriy” /Երազների աշխարհ/ փառատոնը հյուրընկալում է մոտավորապես 40 000 այցելուի: Հանրությանը ներկայացնելով ուկրաինական ավանդական մշակույթը` երաժշտությունից մինչև խեցեգործություն` փառատոնը նպաստում է ընդհանուր ազգային ինքնության ձևավորմանը:

Մշակույթը նոր պահանջներ է ստեղծում

Էներգիայի խնայողության և բնական պաշարների խելամիտ օգտագործումը ստեղծում է այնպիսի ենթակառուցվածքների պահանջ, ինչպիսիք են տարաբնույթ թափոնների տեսակավորումն ու վերամշակումը, տներում արևային վահանակների տեղադրումը և հոսանքով սնվող  մեքենաների արտադրությունը: Այսպես, օրինակ, 2017 թվականին Թեսլա Մոթորսը իր  գնորդներին կառաջարկի 35 000 դոլար արժողությամբ հոսանքով սնվող մեքենաներ` նախկին 100 000 դոլար արժողությամբ մեքենաների  փոխարեն:

Մշակույթը նպաստում է տնտեսությանը

Մշակութային և ստեղծարար հատվածների շրջանառությունը կազմում է 1.3 տրիլիոն ԱՄՆ դոլար, իսկ դրա աճի դրույքը գերազանցում է արտադրության և ծառայությունների հատվածները:  Համաշխարհային զբոսաշրջության հատվածում եկամուտների 40 տոկոսը պատկանում է մշակութային զբոսաշրջությանը, և վերջին տասնամյակում այս հատվածում եկամուտները կայուն աճ են ապրել: Հավելյալ փաստեր՝ այս հղումով http://www.culturepartnership.eu/page/culture-matters:

Մշակույթն աջակցում է քաղաքներին

1997 թվականին Իսպանիայի Բիլբաո քաղաքում ստեղծվեց Գուգենհայմ թանգարանը: Դիզայնի ինքնատիպությունը  բնակավայրին բացառիկություն հաղորդեց, իսկ գավառական քաղաքին` նոր շունչ: Թանգարանի գործունեության առաջին  երեք տարիների ընթացքում Բիլբաո այցելող զբոսաշրջիկների վճարած հարկերը կազմեցին  ավելի քան 100 մլն. եվրո կամ 110 մլն. ԱՄն դոլար: Ճարտարապետության նման ազդեցությունը քաղաքի տնտեսության վրա հայտնի դարձավ որպես   Բիլբաոյի էֆեկտ: