content
Թեմա 2. Գործընկերություն
Կայուն և որակով գործընկերություն ստեղծելը դյուրին և միևնույն ժամանակ նույնքան խրթին է, ինչպես իսկական ընկեր գտնելը: Ցանկացած դեպքում հնարավոր է գտնել արհեստավարժների, ովքեր կցանկանան աշխատել ձեզ հետ մշակութային և ստեղծարար ոլորտներում` միջազգային հարթակի վրա:

Ճիշտ կլինի սկզբում աշխատել ծանոթ մարդկանց կամ նրանց հետ, ում ճանաչում են Ձեր ընկերները: Դա լավագույն տարբերակն է: Մտածեք Ձեզ շրջապատող մարդկանց մասին և կազմեք հնարավորությունների քարտեզ: Հիշարժան է, որ Ստեղծարար Եվրոպայի նախագծերում խրախուսվում է տարբեր ոլորտներում ներգրավված կազմակերպությունների համատեղ աշխատանքը: Ուսումնասիրեք Ձեր ոլորտում առկա լավագույն հնարավոր թեկնածուներին և փորձեք հասկանալ, թե արդյո՞ք նրանց առաքելությունն ու գործունեությունը հետաքրքրում են Ձեզ: Ձեզ կարող է նաև հետաքրքրել Եվրոպական միության, հատկապես Ստեղծարար Եվրոպա ծրագրի կողմից ֆինանսավորվող ցանցերի ցանկը:

Բացի այդ, գրեթե բոլոր մասնակից-երկրներում առկա են Ստեղծարար Եվրոպա ծրագրի ցանցային գրասենյակներ, որոնք կօգնեն Ձեզ կապ հաստատել տվյալ կազմակերպության հետ համապատասխան երկրում: Նրանցից մի քանիսը նաև առաջարկում են գործընկերային որոնման գործիքներ և տվյալների բազաներ: Դուք կարող եք նաև հանդիպել Ձեր երկրում բնակվող ազգային ինստիտուտների ներկայացուցիչներին կամ մշակութային հարցերով կցորդներին, ովքեր կօգնեն Ձեզ նախագծել գործընկերների քարտեզ և կուղղորդեն հետագա գործողություններում:

Նաև չպետք է մոռանալ արդեն ֆինանսավորված նախագծերի և պաշտոնական տեղեկատվական հարթակի մասին: Հնարավոր է, որ այս ծրագրերը շարունակվեն նաև ապագայում, այնպես, որ դուք ունեք ոչ միայն դրանք ուսումնասիրելու, դրանցով ոգևորվելու, այլև` դրանց միանալու հնարավորություն:

Բազմաբնույթ աշխատանքային հանդիպումները, ինչպես օրինակ, մշակութային ֆորումը կամ այլ միջազգային աշխատաժողովները, նպաստում են նոր կապեր և գործընկերներ ձեռք բերելուն:

Հիշարժան է, որ մեկ լավ և վստահելի գործընկեր մասնակցունակ երկրից արդեն իսկ լավ սկիզբ է ընկերական շրջապատը ընդլայնելու և ԵՄ նախագծի շրջանակներում հիանալի գործընկերներ ձեռք բերելու համար: Մի՛ մոռացեք, որ աշխատելու եք միջազգային թիմում, և հնարավոր է, որ ցանկանաք ավելի շատ բան իմանալ Ձեր գործընկերների ներկայացրած մշակույթի, ավանդույթների, սովորությունների և այլնի մասին` միմյանց ավելի լավ հասկանալու և միջմշակութային երկխոսությունը վայելելու համար:

Կիսվել ընկերների հետ