content
Դասախոսություն 3.	Ռազմավարական հաղորդակցության հիմնական սկզբունքները
Դասախոսություն 3. Ռազմավարական հաղորդակցության հիմնական սկզբունքները
Ողջույն, հարգելի՛ ընկերներ։ Մենք շարունակում ենք հաղորդակցության վերաբերյալ մեր դասընթացը։ Նախորդ անգամ մենք հասկացանք, թե ինչ է հաղորդակցությունը, ինչ նպատակներ և փուլեր ունի։ Մենք խոսեցինք այն փաստի մասին, որ հաղորդակցության գործընթացի գլխավոր նպատակը մեր հաճախորդներին երկրպագու դարձնելն է։ Ինչպե՞ս է դա կատարվում։ Կա գլխավոր երկու բաղադրիչ, առանց որոնց դուք չեք կարող ստեղծել իրական հաղորդակցություն։ Դրանք են արժեքները ու վստահությունը։ Առանց այս սկզբունքների՝ հաղորդակցությունը խեղաթյուրվում է և դառնում է շահագործում, ուղեղի լվացում և քարոզչություն։

Ճիշտ կամ արդյունավետ հաղորդակցությունը պետք է հիմնված լինի արժեքների վրա՝ այն սկզբունքների, որոնց համար ձեր նախաձեռնությունը, նախագիծը կամ կազմակերպությունը գոյություն ունի և աշխատում է։ Յուրաքանչյուր հաղորդակցություն պետք է ձեր կազմակերպությունն ավելի մոտեցնի այն առաքելությանը, որ դրվել է ստեղծման հիմքում։ Առաքելությունը ստեղծվում է արժեքների հիման վրա։ Ինչո՞ւ է հաճախորդն այդքան շատ աջակցում ձեր գաղափարներին, որ պատրաստ է անվճար խոսել ձեր մասին բոլորի հետ և ամենուր, որովհետև դուք ոչ միայն բավարարել եք հաճախորդի կարիքները, օրինակ՝ իր երաժշտական պահանջները (եթե մենք շարունակենք դիտարկել մեր ջազ փառատոնի օրինակը)։ Եթե դուք մնաք կարիքների փուլում, ձեր թիրախային լսարանը նույնպես կմնա պարզապես հաճախորդ։ Օրինակ՝ ես ծննդյան տոնի համար ծաղիկներ պիտի գնեմ։ Այս փուլում ինձ անհրաժեշտ են գեղեցիկ, թարմ ծաղիկներ. ցանկալի է՝ ոչ այնքան թանկ։ Սակայն եթե ես հաղթահարեմ կարիքի փուլը, այնուհետև կցանկանամ ձեռք բերել ոչ թե սովորական, այլ այնպիսի  ծաղիկներ, որոնք աճեցվել են առանց քիմիական հավելումների կամ փոքր չափաքանակով, հավաքվել են առանց մանկական աշխատուժի և առաքվել են նվազագույն ածխածնի արտանետումներով։ Եթե գտնեմ մի կազմակերպություն, որը տրամադրում է այս ամենը, ես կդառնամ ոչ միայն հաճախորդ, այլև երկրպագու։ Քանի որ իմ արժեհամակարգը լիովին համապատասխանում է այս կազմակերպության արժեհամակարգին։ Այսպիսով, որպեսզի հասնեք հաղորդակցության վերջին փուլին, դուք պետք է ձեր արժեհամակարգը զուգակցեք թիրախային լսարանի արժեհամակարգի հետ։

Բացի այդ, որպեսզի հաղորդակցությունը բոլոր փուլերում հաջող իրականացվի, դուք պետք է ստեղծեք վստահություն։ Այն պահից, երբ ձեր թիրախային լսարանը կորցնում է ձեր նկատմամբ վստահությունը, դուրս է գալիս հաղորդակցման շրջանակից և լքում է ձեզ։ Այս դեպքում դուք պետք է մեծ ջանքեր գործադրեք այն վերադարձնելու համար։ Դուք չպիտի ձախողեք ձեր լսարանի սպասումներն արդարացնելուն ուղղված աշխատանքը։ Բնականաբար, դա երբեմն պատահում է, և ավելին, բավականին տարածված իրավիճակ է, սակայն պետք է միայն կարճաժամկետ լինի։ Ձեր լսարանի հետ երկարաժամկետ հարաբերություն ստեղծելու համար դուք պետք է տրամադրեք ճշգրիտ տեղեկատվություն, արդարացնեք սպասելիքները և չաղավաղեք։ Հաղորդակցությունն ահաբեկչություն չէ։ Դուք չեք կարող ձեր գործընկերոջը կամ հաճախորդին ստիպել ինչ-որ բան։ Նա պետք է անի ձեր ցանկությունն իր սեփական կամքով։ Ինչու՞։ Քանի որ միայն դուք գիտեք, թե նա ինչի կարիք ունի, և միայն դուք կարող եք տրամադրել դա, քանի որ դուք նույն արժեհամակարգը ունեք։ Այս ամենը հնարավոր է միայն արժեքների և վստահության ստեղծման դեպքում։

Այժմ անհրաժեշտ է հիշել՝

 - Իրական հաղորդակցությունը հիմնված է արժեքների վրա և նպատակ ունի վստահություն ստեղծելու ։

Հաջողություն և մինչ նոր հանդիպում։ Հաջորդ անգամ մենք կխոսենք հաղորդակցության առանցքային տարրերի մասին։

Կիսվել ընկերների հետ