content
ԴԱՍԱԽՈՍՈՒԹՅՈՒՆ 4. ՍԱՀՄԱՆԱՓԱԿ ՄԻՋՈՑՆԵՐՈՎ ԲԻԶՆԵՍ ՇՐՋԱՆԱԿ
Գնային առաջարկի շրջանակի դեպքում դուք նախապես որոշում եք հաճախորդին փոխանցվող ձեր արտադրանքի արժեքը, սակայն հիշե՛ք, որ մենք խոսում էինք բիզնես մոդելների մասին: Իրականում, գոյություն ունի բիզնես մոդելավորման վերաբերյալ մեկ այլ դասախոսություն, որին դուք կարող եք անդրադառնալ հետո, սակայն ես ցանկանում էի խոսել սահմանափակ միջոցներով գնային առաջարկի շրջանակի մասին, որը մեկ այլ օժանդակ գործիք է, որի միջոցով դուք հնարավորություն եք ունենում նախագծել բիզնես մոդելը:

Սահմանափակ միջոցներով բիզնես շրջանակը կարող է ունենալ ինը տարր: Պետք է նշել, որ սա Իվ Պիների և Ալեքս Օսթերվալդերի կողմից մշակված բիզնես շրջանակի պարզեցված տարբերակն է: Եվ ահա, սահմանափակ միջոցներով բիզնես շրջանակը սկսվում է խնդիրների վերհանումից: Դրանք հենց հաճախորդների այն խնդիրներին ուղղված աշխատանքներն են, որոնք դուք առանձնացրել եք և նշել գնային առաջարկի շրջանակի մեջ:

Հետո դուք պետք է ուշադրություն դարձնեք հաճախորդի հատվածին: Դուք հենց նոր կատարեցիք այդ վարժությունը՝ դիտարկելով գնային առաջարկի շրջանակը:

Այնուհետև նայե՛ք մեջտեղի հատվածին՝ եզակի գնային առաջարկին: Սա հենց այն է, ինչը ձեզ հարկավոր է իրական արժեքը ձևակերպելու համար: Իսկ ներքևի հատվածում դուք կտեսնեք այսպես կոչված՝ բարձր մակարդակի հայեցակարգը. սա այն դեպքում, երբ պիտի ասեք, թե ով եք դուք: Օրինակ՝ դուք փառատոն եք կազմակերպում, սակայն պետք է նշել՝ ինչ տեսակի փառատոն: Սա «Վաու» բարձր հայեցակարգի փառատոն է (հենց նոր հորինեցի): Սակայն պետք է մտածել մի պարզ ու հասարակ բառ, որի շնորհիվ մարդիկ հեշտությամբ կհասկանան ձեր արտադրանքի էությունը, և ինչպիսի արժեք եք առաջարկում դրա համար: 

Դրանից հետո անհրաժեշտ կլինի, որպեսզի դուք առաջարկեք նախնական պլանը, լուծումը (դրա համար նախատեսել ենք հատուկ հատված) և հետո ստեղծեք կապող ուղիները: Սրանք ձեր եզակի գնային առաջակի միջոցով հաճախորդի նշված հատվածների հետ կապի դուրս գալու ուղիներն են: Եվ հետո, բնականաբար, պետք է մտածել եկամտային հոսքերի մասին. ինչպե՞ս ստեղծել եկամտային հոսքեր, և ո՞րն է  գնագոյացման մոդելը: Ինչպե՞ս եք դուք ստանում եկամուտ: Գոյություն ունեն բազմաթիվ ուղիներ դա իրականացնելու համար: Այնուհետև դուք ունեք ծախսերի կառուցվածք: Որքա՞ն են կազմելու ձեր ծախսերը արտադրանքի տվյալ արժեքը ստեղծելու և տրամադրելու համար: Այս ամենը հաշվի առնելուց հետո դուք պետք է իմանաք, թե որոնք են ձեր հիմնական, առանցքային ցուցանիշները՝ ձեր կողմից առաջարկված արժեքի, հավանաբար ձեր եկումուտների կամ էլ նույնիսկ ձեր ծախսերի համար, քանի որ դուք ցանկանում եք նվազեցնել ձեր ծախսերը և բարձրացնել եկամուտների հոսքերը: Սակայն դուք պետք է վստահ լինեք, որ այս կամ այն գործողության արդյունքում ձեր հաճախորդները գոհ կմնան: Որո՞նք են գնային առաջարկի ձեր չափանիշները:

Եվ այնուհետև գոյություն ունի վերջնական, մի շատ հետաքրքիր պահ այս ամենի մեջ՝ անարդար առավելություն: Ի՞նչ է դա: Բիզնես մոդելի մեջ դուք կարող եք հանդիպել այնպիսի մի բանի, որը գրեթե անհնար է կրկնօրինակել: Դա նշականում է, որ դուք կամ արվեստագետի հետ բացառիկ իրավունքի պայմանագիր ունեք, կամ որևէ ապրանքանիշ ունեք, կամ էլ կազմակերպել եք նախադեպը չունեցող մի երաժշտական փառատոն, որը ոչ ոք չի կարող կրկնօրինակել: Կամ դուք երաժշտական օրացույցում նախապես օր եք նշում, որը բոլորը գիտեն։ Ենթադրենք Լվովում անցկացվելու է հայտնի Ալֆա ջազ փառատոնը: Եվ բոլորը գիտեն, որ այն անկացվելու է հունիս ամսվա հանգստյան օրերին: Եվ կարող ենք տեսնել, որ սա անարդար է, որովհետև բոլոր նրանք, ովքեր կփորձեն կազմակերպել ջազ փառատոն, կձախողեն, որովհետև բոլորը կգնան Լվով՝ մասնակցելու այս Ալֆա ջազ փառատոնին: Եվ ահա այստեղ մենք բախվում ենք անարդար առավելության սկզբունքին, սակայն արդար է ունենալ անարդար առավելության այս սկզբունքը:

Դուք տեսաք, թե ինչպես է ձեր գնային առաջարկի շրջանակը անցում կատարում սահմանափակ միջոցներով բիզնես շրջանակի: Այնպես որ, կատարե՛ք այս առաջադրանքը, որպեսզի վստահ լինեք, որ դուք հասկանում եք, թե ինչպես է ձեր բիզնեսը վերածվում փաստացի օպերացիոն մոդելի, բիզնես մոդելի և գնային մոդելի: 

Կիսվել ընկերների հետ