Կազմակերպության գրանցումը մասնակիցների կայքամուտքում.

Ստեղծարար Եվրոպա ծրագրին դիմելու համար կազմակերպությունները պետք է գրանցվեն մասնակիցների կայքամուտքում և ձեռք բերեն ՄՆԾ, որը բաղկացած է 9 թվից: Կազմակերպության գրանցումը կայքամուտքում դյուրին է, բայց փոքր-ինչ ժամանակատար: Անպայման չէ, որ սպասեք մինչև հայտադիմումների ընդունման ժամկետը. դուք կարող եք ցանկացած պահի գրանցել Ձեր կազմակերպությունը կայքամուտքում: Անհրաժեշտություն չկա նորից գրանցվելու, եթե ձեր կազմակերպությունն արդեն իսկ գրանցված է այնպիսի ծրագրերի կայքամուտքում, ինչպիսիք են Էրազմուս+-ը կամ Հորիզոն 2020-ը: Միևնույն ժամանակ այն ծածկագիրը, որ ձեռք եք բերել Ձեր կազմակերպությունը Ստեղծարար Եվրոպա ծրագրի արդյունքում գրանցելիս, վավեր է ԵՄ այլ ծրագրերի համար: Նշեմ, որ սա բյուրոկրատական քաշքշուկ չէ, այլ քայլ, որ հեշտացնում է հայտադիմումներին հետևելու գործընթացը: Հայտադիմումում ՄՆԾ-ն նշելիս` Ձեր կազմակերպության տվյալներն ավտոմատ կերպով հայտնվում են, և Ձեզ մնում է միայն ստուգել դրանք: Բացի դա յուրաքանչյուր նոր հայտադիմումի հետ հարկ չի լինի ուղարկել Ձեր կազմակերպությանը առնչվող փաստաթղթերը:

Կայքամուտքում գրանցվելու համար հետևեք այս քայլերին:

Նախ և առաջ` կազմակերպություն գրանցող անձը պետք է հաշիվ ստեղծի եվրոպական հանձնաժողովի նույնականացման համակարգում / ECAS/: Հիշեք, որ սա դեռ կազմակերպության գրանցումը չէ: Համակարգում հաշիվ ստեղծելը Ձեզնից ընդամենը րոպեներ կխլի: Սա կարևոր քայլ է համակարգում առաջ ընթանալու համար: Հաշիվ ստեղծելու արդյունքում` Դուք կստանաք հաստատման հաղորդագրություն:

Այնուհետև Դուք արդեն կարողանաք գրանցել ձեր կազմակերպությունը մասնակիցների կայքամուտքում: Սա Ձեզնից կխլի ընդամենը 10-15 րոպե` անհրաժեշտ տեղեկությունը ձեռքի տակ ունենալու պարագայում: Այդ իսկ պատճառով էլ, ես առաջարկում եմ նախօրոք հավաքել այնպիսի տվյալներ, ինչպիսիք են, օրինակ, հեռախոսահամարները, հասցեները, փոստային ինդեքսները, ավելացված հարկի արժեքի հաշվառման համարները և այլն: Այս քայլի ավարտին` Դուք նորից կստանանք հաստատման հաղորդագրություն:

Վերջում Ձեզնից կպահանջվի միայն բեռնել հավելյալ փաստաթղթերը, ինչպես, օրինակ, տեղեկություն ընկերության կանոնադրության, ավելացված արժեքի հարկի հաշվառման մասին, ինչպես նաև փաստաթղթեր, որոնց հղում եք կատարում Ձեր հաստատման նամակում:

Ինչպես արդեն նշեցի, սա բավականին դյուրին գործընթաց է, և յուրաքանչյուր քայլի արդյունքում դուք կստանաք հաստատման հաղորդագրություն: Այսպիսով նախքան հաջորդ քային անցնելը` զինվեք համբերությամբ:

Երբ Ձեր կազմակերպությունն արդեն գրանցված լինի կայքամուտքում, Դուք անհրաժեշտության դեպքում կկարողանաք փոփոխություններ կատարել:

Երբ Ձեր հայտադիմումին Ստեղծարար Եվրոպա ծրագիրը դրական արձագանքի, կայքամուտքում նորից գրանցվելու անհրաժեշտություն չի լինի:

Ես նաև կառաջարկեի, որ համակարգում կազմակերպության հաշվի համար պատասխանատու չլիներ միայն մեկ անձ. չէ որ վտանգ կա, որ այդ անձը կարող է կազմակերպությունից դուրս գալ կամ կորցնել ծածկագիրը:

Կարճ ասած` այս ամենն հասկանալու համար բնավ պետք չէ հանճար լինել, բայց քանի որ գործընթացն ինքը ժամանակատար է, ես կառաջարկեի, որ Դուք հենց հիմա սկսեիք գրանցումը:

Ձեզ հաջողություն եմ մաղթում: