content
Mühazirə 6. Şəhər kreativliyi
Mühazirə 6. Şəhər kreativliyi
Strit-art, velosiped dayanacaqlarının yeni tərtibatları, festivalların təşkili və ya tərk olunmuş sənaye zonalarının yaradıcı məkanlara çevrilməsi – şəhər kreativliyinin təcəssümləridir.

"Kreativ şəhər" konsepsiyası  1980-ci illərdə  urbanist  Çarlz Lendri tərəfindən eyni adlı kitabda yaradılmış və təsvir edilmişdir. Onun fikrincə, kreativlik – müasir şəhərlərin dəyişikliklərə reaksiya verməsinə, idarəetməyə və resursların bölünməsinə ənənəvi yanaşmanı dəyişməsinə, texnoloji innovasiyalar tətbiq etməsinə və öz mədəni irsini yenidən kəşf etməsinə imkan verən əsas amildir.

Şəhər kreativliyinin inkişaf etməsində açıq məkanlar vacib rol oynayır. Bütün kateqoriyadan olan insanlar üçün açıq olan bu məkanlar şəhər sakinlərinin vaxtlarını komfortlu keçirməsi, azad özünüifadəsi, şəhərin özü və onun sakinləri ilə münasibətə girərək öz ideyaları ilə bölüşməsi imkanını nəzərdə tutur.

Ən yaxşı yerlər – onlardır ki, orada əlaqələr yaradılır və münasibətlər qurulur, oraya getmək asandır və orada hərəkət məhdudluğu yoxdur. Həm də siz orada özünüzü sərhədləri olmayan böyük dünyanın bir hissəsi hesab edirsiniz. Bu elə yerlərdir ki, orada siz kamilləşə, öyrənə və özünüzü ifadə edə bilərsiniz. Onlar mədəniyyətin yaşadığı və nəfəs aldığı yerlərdir – ilham mənbələridir. Bir də, əlbəttə ki, ən yaxşı şəhər – o şəhərdir ki,  orada bütün bu keyfiyyətlər dizaynın köməyi ilə harmonik şəkildə birləşdirilib.

İnkişafa kreativ yanaşmadan istifadə edən və cəmiyyəti ictimai  fəallıq əsasında formalaşdıran şəhərlərin nümunələrinə fikir verin. Daha çox bilmək üçün şəhərlərin adlarına tıklayın. 

Tallinn

Tallinn, rəssam və qrafiklər hazırlayan ali məktəblərin və bütün əsas kreativ istehsalat sahələri üzrə inkişaf mərkəzlərinin dəstəyi nəticəsində Estoniyanın əksər kreativ şirkətləri üçün doğma evə çevrilmişdir. Bundan əlavə, şəhərdə hər il Tallinn Music Week musiqi konfransı, Baltikyanı və Şimal ölkələrində klassikadan hip-hopa qədər bütün stilləri birləşdirən ən böyük "qapalı məkan"  festivalı keçirilir.

Rotterdam

Rotterdamın əhalisin yarısı – 35 yaşlı cavanlardır, şəhərin unikallığı isə özünü Wake up in Art ("İncəsənətdə ayılma") kimi tədbirlərin təsiri ilə yaranan yaradıcı mühitdə özünü göstərir. Bu qeyri-adi festival çərçivəsində iştirakçılar yerli rəssamların yaratdığı xüsusi kreativ konstruksiyalarda gecələyə bilərlər.

Amsterdam

Dar küçələrdə tez-tez baş verən qəzalar və 1970-ci illərdə benzinin qiymətinin artması Hollandiyada velosipeddən istifadənin populyarlaşdırılması kampaniyası üçün bir impuls oldu. Layihə çərçivəsində Orxus, Odense və Herning şəhərlərində eksperimental velomarşrutlar yaradıldı və ölkə səviyyəsində geniş bir proqram işə salındı. Nəticədə, bu gün Amsterdamı Avropanın velosiped paytaxtı adlandırırlar. Şəhərdə bu gün 800 000-ə yaxın velosiped var və şəhər əhalisinin 63%-i hər gün bu nəqliyyat vasitəsindən istifadə edir.

Berlin

Berlindəki Kroytsberq rayonu sosialist irsinə kreativ yanaşması ilə məşhurlaşıb. Burada, açıq səma altındakı East Side Gallery adlı qalereyada Berlin divarından qalmış fraqmentin üzərində yaradılmış bir sıra əsərlərə tamaşa etmək mümkündür. Divar uçurulandan sonra şəhərin şərq hissəsində boş qalmış evləri yaradıcı gənclər "zəbt" elədilər və oranı alternativ incəsənət və şənliyin mərkəzinə çevirdilər. Məsələn, keçmiş Müqəddəs Vifaniya  hospitalında yerləşmiş, şəhərin zəbt olunmuş məkanlarının ən köhnəsi – Betanien art-mərkəzində art-qalereya, sərgilər və musiqi məktəbi yerləşir. 

Dostlara bildirmək