Bu proses uzun müddət ərzində təşkilatınıza böyük mənfəətlər gətirəcək - ancaq məlumatınız olsun ki, proses sərmayə kimi vaxtınızdan, pulunuzdan və səylərinizdən istifadə etməyinizə əsaslanır. Təşkilatınızın əldə etmək istədiyi hər şeyi dərhal əldə etmək üçün peşəkar üsul mövcud deyil.

Birinci problem ondan ibarətdir ki, olduqca çox sayda beynəlxalq donor təşkilat var.

Odur ki, haradan başlamaq lazım olduğunu təyin etmək çətin məsələdir. Bu problem çox sayda təşkilatın sadəcə haradan başlamaq lazım olduğunu müzakirə etməklə kifayətlənməsinə gətirib çıxarır.

Hərəkətsizliyin qarşısını almaq üçün əsas addım prosesi sadə addımlara bölməkdən ibarətdir.

Odur ki, ən yaxşı bildiyiniz işdən - öz təşkilatınızdan başlayın.

Birinci: Əldə etmək istədiyinizin nə olduğunu qərarlaşdırın.

Daha sonra özünüzdən və sahə üzrə fəaliyyət göstərən dostlarınızdan hədəfinizin reallığa uyğun olub-olmadığını soruşun.

Yaşadığımız dünyada donor təşkilatlar maliyyələşdirdikləri təşkilatlarla əlaqələrinin tədricən, addım-addım inkişaf etməsini istəyirlər. Bu, onların sizinlə işləməklə əlaqədar risklərini azaldır, ancaq tədricən inkişaf eyni zamanda tərəfdaşlar arasında etibarın inkişaf etməsinə kömək edir. Unutmayın ki, əlaqə ikitərəfli olmalıdır. Əgər onlar sizi xoşunuza gəlməyən bir işi görməyə məcbur edirsə, bunu onlara izah edin.

Bəzi donor təşkilatlar büdcənin keçən ilki dövriyyənizin 40 faizindən çox olması halında layihəni maliyyələşdirməyəcək.

Odur ki, reallığı nəzərə alın.

Yaxşı layihə istismar xərclərinizin, işçilər tərəfindən sərf edilən vaxtın və təşkilati işlərin 5%-10%-ini əhatə etməlidir.

Odur ki, təşkilatınızın bu məbləği necə artıra biləcəyi haqqında düşünün.

Bəlkə, məsələn, işçilər, mövzular, məhsullar, donor təşkilatlar, yoxsa auditoriya baxımından artırmaq istəyirsiniz?

Tutaq ki, sizi dəstəkləyən ölkələrin sayını artırmaq qərarına gəlmisiniz. Daha konkret desək, növbəti 12 ay ərzində yeni ölkədən olan yeni bir donor təşkilatla işləmək istəyirsiniz. Bu, artıq strateji, ölçülə bilən, əldə edilmə imkanı olan (resurslarla təmin edilmə ümidi olan) və zaman məhdudiyyətinə malik məqsəddir. Deməli, əlinizdə son tarixi və dəqiq rəqəmləri olan AĞILLI plan var. O, reallığa uyğun və məqsədyönlüdür. Bu planı razılaşdırdıqdan sonra bütün diqqətinizi ona yönləndirin və təşkilatınızdakı insanlara bu məqsədin əldə edilməsi ilə əlaqədar tapşırıqlar verin.

Buraya bütün həmkarlarınızdan həmin ölkədə hər hansı əlaqəyə malik olub-olmadıqlarını soruşmaq, veb-səhifənizin redaktorundan həmin ölkənin dilində materiallar hazırlamağı xahiş etmək və qeyd edilən ölkədəki hökumət kapitalları, sponsorlar, dini fondlar, kraudsorsinq və fərdi fondlar haqqında araşdırmaya başlamaq üçün mütəxəssis istəmək daxil ola bilər.