content
Mühazirə 6. Layihənin maliyyələşdirilməsi ilə əlaqədar hesabatlılıq
Nəzəriyyə ondan ibarətdir ki, bütün prosesləri bu elektron tədris kursunun əvvəlki bölmələrində təsvir edildiyi kimi təşkil etsəniz, maliyyə hesabatlılığının həyata keçirilməsi asan olacaq!

Odur ki, təfərrüatlara diqqət yetirin və layihənin maliyyə vəsaitləri ilə əlaqədar effektiv və dəqiq şəkildə, eləcə də vaxtlı-vaxtında hesabat vermək üçün ehtiyacınız olan hər şeyin siyahısına əsasən hərəkət edin.

Gəlirlərin izlənməsi

  • Elektron Satış Məntəqəsi Sistemi (EPOS) və ya bilet satışı sisteminizdən alınan və həyata keçirilən satışların dəyərini göstərən informasiya

  • Layihə üçün aldığınız qrantları və ödənişin həyata keçirilməsini gözlədiyiniz tarixləri təsdiq edən məktublar

  • Sponsorluq və təfərrüatlarını müvafiq vəsaitlərin təşkilata necə və nə vaxt ödəniləcəyi baxımından təsdiq edən məktublar

  • İanələrin dəyərini və qəbul edilməsini təsdiq edən metodlar

  • Layihənin cari mərhələsində (planlaşdırma və ya icra) ehtiyac olan tezliklə yenilənən yekun məbləğlər siyahısı, yəni nağd pul vəsaitlərinin hərəkəti siyahısı

Yeni xərclər siyahısının təmin edilməsi

  • Layihə ilə əlaqədar meydana çıxan bütün xərclər üçün kağız şəklində və ya elektron poçt vasitəsilə göndərilən qəbzlər Əgər fəaliyyətlə əlaqədar ödəniş çox sayda layihəni əhatə edən vahid qayimədə göstərilərsə, sizin idarə etdiyiniz layihəyə hansı sətirlərin aid olduğunu göstərən təfərrüatlar tələb olunur.

  • Meydana çıxan xərclərin müvafiq menecer tərəfindən silinməsini əks etdirən nəzarət jurnalı

  • Layihə ilə əlaqədar nə qədər dolayı xərcin qeydə alındığını, bu xərclərin hesablanmasını, yoxlanmasını və silinməsini razılaşdıran sənədlər

Sürprizlər və gözlənilməz gəlirlər / xərclərlə əlaqədar hesabatların hazırlanması

  • Xərcin razılaşdırıldığı prosesin nümayiş etdirilməsi, nə üçün tələb edildiyinin qeyd edilməsi və gözlənilməz vəziyyət planına uyğun olaraq bölüşdürülməsi

Sənədləri audit üçün hazır saxlamaq

  • Tarix sırasına uyğun sıralanmış və bütün qayimə, qəbz, ödənişin təsdiq edilməsi sənədləri və müqavilələrin kağız / çap versiyaları ilə əsas gəlir və xərc sahələrinə ayrılmış fayllar

  • Əgər investorlar istifadə edilməli olan şablonu müəyyən edirsə, mütləq ondan istifadə edin!

Odur ki, aşağıdakıları edə bilərsiniz:

  • Layihənizin maliyyə vəsaitləri ilə əlaqədar dəqiq sənədlər yaradın.

  • Planlaşdırılmış gəlirlərin nə qədərinin cəlb edildiyini təyin edin.

  • Xərclərin razılaşdırılması üçün qəbz və təsdiqləyici sənədlər tərtib edin.

  • İnvestor tərəfindən təftiş edilmək məqsədləri üçün sənədlər yaradın.

Bu kurs layihə büdcəsinin təşkil edilməsi mövzusuna ilkin giriş rolunu oynayır. O, sizi bir gecədə mütəxəssisə çevirməsə də, nəzərə almalı olduğunuz amillər haqqında təsəvvürə malik olmanıza imkan verir.

Əslində əgər əvvəl layihə büdcəsi idarə etməmisinizsə, böyük ehtimalla, çox risk daşımayan və bütün işlərin çox tərs getməsi imkanı çox olmayan nisbətən kiçik layihələri idarə etməklə başlayacaqsınız. Və yaxud da daha böyük layihələr üzərində işləyəcək, ancaq maliyyə vəsaitlərinin idarə edilməsi sahəsində daha çox təcrübəyə malik olan şəxslərə müraciət edəcəksiniz.

Bu təcrübə sizi daha böyük və daha mürəkkəb layihələr üzərində işləmək üçün hazırlayacaq.

Bir neçə on ildir, layihə büdcələri hazırlayan bir şəxs kimi böyük təcrübəyə sahib olduğum və işi daha yaxşı şəkildə yerinə yetirmək üçün nə lazım olduğunu bildiyim sahələr olduğu kimi birinci dəfə büdcə hazırladığım yeni məsələlər də mövcuddur. Yeni bir məsələ üzərində işləyən zaman bir neçə məsələni planlaşdırarkən səhv edəcəyimi və daha böyük gözlənilməz vəziyyət planına ehtiyacım olduğunu bilirəm. Bəzi hallarda bu, müştəri və partnyorların işə "xeyirxah iradə" ilə yanaşmalarını - gözlənilməz vəziyyət yarandıqda bu vəziyyəti aradan qaldırmaq üçün hər kəsin vaxtı və resursları ilə əməkdaşlıq etməsini təmin etməklə əlaqədardır. Bu, ideal haldır. Həyat heç də hər zaman qarşınıza ideal halları çıxarmır, odur ki, planınızı ən pis, eyni zamanda ən yaxşı halı nəzərə almaqla hazırlamalısınız.

Dostlara bildirmək