1. Ağlınızda çoxsaylı suallar varkən, təklifin hazırlanması barədə düşünməyin. Siz aşağıdakıları işləyib hazırlamalısınız:

• aydın ideya;

• strateji prioritetlər və seçimlər toplusu;

• fəaliyyətlərin müfəssəl planı, onların məzmunu və iş planı.

Bütün bu işlər tərəfdaşlarınız ilə birlikdə konkret problemlərin və yaşadığınız mühitin təhlili əsasında icra olunmalıdır.

2. Layihəniz üçün düzgün proqramı/donoru seçin

Proqramın prioritetlərini təhlil etməklə, layihənizin onlara həqiqətən də uyğun olub-olmadığını yoxlayın.

Ekspertlərin qiymətləndirmə meyarlarını oxuyun və layihənin hazırlanması zamanı onlara istinad etməyə çalışın.

Artıq seçilmiş layihələrin siyahısına nəzər salın. Bu zaman siz sözlərin arxasında gizlənən həqiqi mənanı anlayacaqsınız.

Yaxşı olardı ki, hazırki benefisiarlara rastlayasınız.

3. Təlimatları təsvirlərinizdə əks etdirin.

Onları əzbər öyrənin.

Layihəniz üçün kəsb etdiyi əhəmiyyəti real şəkildə dərk etmək üçün onları şərh edin.

Müraciətinizdə onların açıq-aşkar şəkildə göründüyündən əmin olun.

4. Ekspertlərə seçilmiş sahə üzrə mütəxəssis olduğunuzu göstərin.

Ekspertləri yazdığınızın həqiqət olduğuna, onun maliyyə məqsədləri üçün uydurulmuş bir hekayə olmadığına inandırın.

İstiqamətinizi, "know-how" tipli biliklərinizi və əlaqələrinizi təsdiq etmək üçün regional, milli və beynəlxalq hesabat və nəşrlərə istinad edin.

Verilmiş sahədə təcrübi/innovativ yanaşmanı inkişaf etdirməyə çalışın.

5. Ekspertlər də insandır, onları əsəbiləşdirməyin.

Onlar, adətən, yüzlərlə müraciət forması oxuyurlar.

Onlar qarşılarında anlaşılan sadə dildə yazılmış və düzgün tərtib olunmuş mətn görmək istəyirlər.

• Konkret və lokanik olun, sualları cavablandırın.

• Təsdiq olunmamış məlumatlara istinad etməyin.

• Özünüzü təkzib etməyin.

• Reallaşdırmaq iqtidarında olmadığınız vədlər verməyin.

Ekspertlərin müəssisəniz və ya tərəfdaş konsorsiumunuz haqqında adətən heç bir təsəvvürə malik olmadığını unutmayın. Əgər siz önəmli məlumatı qeyd etməyi yaddan çıxarmısınızsa, onlar bu barədə bilik sahibi olmayacaqlar.

6. Dilin keyfiyyəti yüksək olmalıdır, lakin əgər siz təklifi xarici dildə hazırlayırsınızsa, heç kim sizdən həmin dili doğma diliniz kimi bilməyi tələb etmir. Dilin keyfiyyətini yaxşılaşdırmaq üçün nə edə bilərsiniz?

• Mürəkkəb dil ilə danışıq dili arasında tarazlıq yaradın.

• Açar sözləri tapın və vurğulayın.

• Kopiraytinq bacarıqlarınızdan istifadə edin, cəlbedici başlıqlar seçməyə çalışın.

7. Müraciətin tərtib edilməsi prosesi ərzində ən böyük düşməninizin zaman olduğunu unutmayın:

• prosesə daha erkən başlayın və onu diqqətlə planlaşdırın;

• bütün lazımi sənədləri qaydaya saldığınızdan əmin olun;

• sənədi təqdim etməzdən öncə digər insanlardan onu oxumalarını xahiş edin, bu yolla siz məzmun, məntiqi ardıcıllıq və dil səhvlərini izləyə bilərsiniz.

• bütün sənədləri üç dəfə yoxlayın. Çünki xüsusilə belə nəhəng beynəlxalq xarakterli ərizə müsabiqələrində səhvlərə yol vermək qaçılmazdır.

8. Yazı prosesinin cansıxıcı olmamasına çalışın. Əgər bu sizin üçün darıxdırıcıdırsa, demək ki, hər kəs üçün sıxıcı olacaqdır.

• Gücünüzü bərpa etmək üçün işlənib hazırlanma mərhələsində fasilələrə yer verin.