Kurs 15 dəqiqə ərzində dinləyərək təşəbbüsləriniz üçün maliyyələşdirmə imkanı əldə etmək yollarını öyrənə biləcəyiniz 5 mühazirədən ibarətdir. Ekspertlərimiz – "Yaradıcı Avropa" proqramının Litvadakı milli bürosunun rəhbəri Eqle Deltuvayte və Estoniyadakı milli bürosunun rəhbəri Evelin Karu-Veskioyya – uğurlu təklif hazırlamaq, onu müsabiqəyə təqdim etmək və beynəlxalq əməkdaşlar tapmaq yollarını öyrədirlər. "Yaradıcı Avropa" – Avropa İttifaqının mədəniyyət sahəsi və audiviziual sahə üzrə layihələri maliyyələşdirən ən böyük qrant proqramıdır. Bir layihə 200 000 avrodan 2 milyon avroya qədər maliyyələşdirmə dəstəyi ala bilər. Qısa bir testdən keçdikdən sonra sertifikat ala bilərsiniz.