content
Faktiki məlumatlar
Faktiki məlumatlar

  1. Startap mərhələsində maliyyələşdirmə əsasən aşağıdakılar vasitəsilə həyata keçirilir:

  • şəxsi qənaətlər
  • şəxsi kredit kartları
  • sahibkarın şəxsi borcları

  1. İnkişaf mərhələsində konsepsiya təsdiq edildikdən və müəssisə müsbət gəlir gətirməyə başladıqdan sonra əsas maliyyə mənbələri aşağıdakılar olur:

  • kommersiya borcları

  • kommersiya tipli kredit xətləri

  • tədarükçülərdən ticarət krediti

  1. Startapda investorun axtardığı əsas amillər aşağıdakılardır:

  • İtkisizlik nöqtəsini və gəlirin artımını aydın şəkildə əks etdirən kifayət qədər yaxşı hazırlanmış biznes-model.

  • Bütün hissələrin koherent şəkildə təqdim edildiyi tamamlanmış və yaxşı işlənib hazırlanmış biznes-plan

  • Sahibkarlar yeni müəssisələri üçün həm həvəsli, həm də motivasiyalıdırlar, ancaq eyni zamanda böyüdüyü zaman onu idarə edə bilirlər.

  • Tələb olunan vaxt və pul məbləği (aksiya borcu)

  1. Startap biznesin mümkün daxili maliyyələşdirmə mənbələrı aşağıdakılar olmalıdır:

  • Gəlirin bir hissəsinin yenidən investisiya kimi qoyulması

  • Startap zamanı əmlakın satılması və ya alınmaqdansa icarəyə götürülməsi, yaxud da yenisi əvəzinə istifadə edilmişinin alınması

  • Müəyyən başlanğıc periodu üçün əmək haqqı məsələsində güzəştə getmək (eyni zamanda əmək haqqını güzəştə gedə biləcək ailə üzvlərindən istifadə etmək)

  1. Banklar startap müəssisələrinə "Kreditin beş C-si" adlanan və ümumi şəkildə istifadə edilən qiymətləndirmə strukturuna əsaslanmaqla kredit verir1:

  • Xarakter (Character): istehlakçının borcu vaxtında qaytarmaq istəyini qiymətləndirir. "Müştərini tanı" konsepsiyası adlanır. 

  • Bacarıq (Capacity): Ərizəçinin borcu qaytarmaq bacarığını qiymətləndirir. 

  • Kapital (Capital): istehlakçının əmlaklarının dəqiq dəyərini ifadə edir. Böyük kreditlərin verilməsi zamanı bu faktor daha çox təsirə malik olur.

  • Girov (Collateral): kredit üçün zəmanət təmin etmək məqsədilə borc alan tərəfindən borc verənə girov olaraq verilən əmlak. 

  • Şərait (Conditions): iqtisadiyyat, sosial və siyasi mühit, hökumət tənzimləmələri, rəqabət və ya bankın məqsədlərinin dəyişməsi kimi kreditlə əlaqədar riskə təsir edəcək xarici dəyişənlərdir.

  1. Kredit almaq üçün banklara müraciət edərkən aşağıdakıları nəzərə alın:

  • Banklar risk etməyi xoşlamır - onlar sizin işinizin yaxşı və ya pis getməyindən asılı olmayaraq faizlərinin ödənilməyini istəyirlər.

  • Banka gəlir proqnozlarınızın real olduğunu və şişirdilmədiyini göstərməlisiniz.

  • Bank meneceri ilə eyni "dildə" danışmalısınız (məsələn, paylar, gəlirlər, mənfəət dərəcələri və s.).

  • Müvafiq bankda yaxşı kredit tarixçəsi formalaşdırmalı və mümkün olarsa, bank meneceri ilə şəxsi əlaqə yaratmalısınız.

  • Krediti ala bilməməyə hazır olmalı və biznesiniz üçün ilkin maliyyələşdirmə əldə etmək üçün başqa alternativ metodları da maliyyə planınıza daxil etməlisiniz.

  1. Biznes-mələklə görüşmədən əvvəl

  • Biznes-mələk şəbəkələri, internet sorğusu, assosiasiyalar, biznes konsultantları və başqa resurslar vasitəsilə ən münasib biznes-mələkləri tapmaq üçün lazımi araşdırmaları aparmalısınız.

  • Məşğul olduğunuz sahəni və biznesi, eləcə də potensial biznes-mələklərin mənşəyini nəzərə almalısınız.

  • Yanaşmadan əvvəl biznes-mələyin mənşəyi haqqında mümkün qədər çox informasiya toplamalısınız.

  • Əvvəlcədən yaxşı hazırlaşmalısınız: biznes-planınızın xülasəsi, eləcə də qısa və uzun versiyası hazır olmalıdır.

  • Biznes-modelinizi aydın şəkildə hazırlamalı, inkişaf potensialını göstərmək daxil olmaqla onu lazımi dərəcədə izah etməyə hazır olmalısınız.

  • Tələb olunma ehtimalına qarşı zəmanət məktubları hazırlamalısınız.

 

Dostlara bildirmək