Kurs əsasən incəsənət sahəsində fəaliyyət göstərən startap şirkətlərinə ilk addımlarını atmaqda kömək edən alternativ maliyyə cəlb etmə üsulları haqqındadır. O, məntiq etibarı ilə, innovasiya və sahibkarlığın əsaslarını, əsas biznes-modelləri, incəsənət sahəsində biznes-planın əsas kontenti və strukturunu, eləcə də incəsənətlə yaradıcılıq şəhərləri, yaradıcılıq qrupları və əməkdaşlığın başqa strateji formalarının inkişafına gətirib çıxaran digər sektorlar arasındakı keçidlərin strukturunu əhatə etmək üçün yaradılıb. Kursa Dr. Lidiya Varbanova (www.lidiavarnova.ca), - beynəlxalq konsultant, pedaqoq, incəsənət, mədəniyyət və yaradıcı sahələr üzrə təlimatçı və tədqiqatçı - rəhbərlik edir. Kurs hər biri 10 dəqiqə olmaqla 3 mühazirədən ibarətdir. Qısa testi keçdikdən sonra siz sertifikat əldə edəcəksiniz.