Hərtərəfli düşünün. Öyrənməli olduğunuz hər şey haqqında düşünün.

Verəcəyiniz suallar aşağıdakılar ola bilər:

• Ayrılmış vəsaitlərin coğrafi yayılması
• Onların maliyyələşdirdikləri mövzular
• Ayırdıqları maliyyə vəsaitlərinin məbləği
• Müraciətlərin tezliyi
• Müraciətlərlə qalib gələn təkliflərin nisbəti
• Maliyyələşdirmək istədikləri hüquqi strukturlar
• Əsas əlaqə şəxsləri və onlar haqqında məlumatlar
• və s.

Daha sonra bütün bu sualları əhatə edəcək cədvəl qurun. Donor təşkilatları şaquli sütun, suallarınızı isə yuxarı üfuqi xətt boyu yerləşdirin. Bunu qiymətlərin müqayisəsi veb-saytı kimi nəzərə alın. Format düzgün sualları verən və bir donor təşkilatın digəri ilə müqayisədə üstünlüklərini sizə aydın şəkildə göstərən olmalıdır.

Bu işi konsultant və ya mütəxəssisə həvalə edə bilərsiniz. Özünüz yerinə yetirmək istədikdə isə işə veb-səhifələrlə başlayın. Cədvəlinizə daxil etmək istədiyiniz hər bir donor təşkilat haqqında məlumatı kəsib yerləşdirin.

Eyni zamanda iki əlavə bölməyə də nəzər salın. İlk növbədə tərəfdaşların qeyd edildiyi səhifələrə baxın. Əvvəl haqqında eşitmədiyiniz digər təşkilatları buradan tapa bilərsiniz. Bu yolla davam etməklə bir neçə həyəcanlandırıcı və gözlənilməz tapıntılar əldə edə bilərsiniz.

Eyni zamanda hər hansı yeni səhifə, bloq və ya illik hesabatların olub-olmadığını araşdırın. Bu səhifələrdən gələcək üçün prioritetlər, eləcə də bağlanmaq üzrə olan proqramlarla əlaqədar ipucları əldə edə bilərsiniz.

Bu informasiyanı yadda saxlayın. Donor təşkilatlarla danışan zaman bu əsas fikirlərə və ya qeyri-müəyyən açıqlamalara ehtiyacınız ola bilər. Son xəbərlərdən xəbərdar olmağınız donor təşkilatlara görüşə hazırlaşdığınızı göstərəcək.

Axtarışı tamamladığınızı düşündükdə məlumatları bir neçə günlük kənara qoyun və sonradan təmiz beyinlə yenidən nəzərdən keçirin.

Bu mərhələdə insanlarla oxuduqlarınız haqqında danışmağa dəyər. Heç də bütün donor təşkilatların veb-səhifələri yeni və ya aydın deyil. Danışa biləcəyiniz üçüncü tərəfin olub-olmadığını yoxlayın (əvvəl donor təşkilatdan maliyyə dəstəyi almış təşkilat və ya keçmiş işçi ola bilər). Onlardan təşkilatın siyasəti və keçmiş tarixçəsi haqqında soruşun. Bu zaman veb-səhifənin iddia etməsinə baxmayaraq, şərqi Avropanın heç də prioritet təşkil etmədiyini, yaxud regiona qarşı güclü həvəsi olan yeni direktorun vəzifəyə təyin edildiyini və gələn il maliyyələşdirməni artıracaqlarını elan edəcəyini öyrənə bilərsiniz. Bu cür məlumat sizə başqaları ilə müqayisədə üstün olmaq imkanı verəcək.

Eyni zamanda birbaşa donor təşkilatla əlaqə saxlaya bilərsiniz, ancaq bu mərhələdə ehtiyatlı olun. Axtarışınıza əsaslanan hər bir ümumi suala diqqət yetirin. Bu mərhələdə ideyaları səsləndirməyin.

Bundan sonra ən çox şansa sahib olduğunuzu düşündüyünüz təşkilatlara üstünlük verməlisiniz. Bunlar sizin gördüyünüz və ya görməyi planlaşdırdığınız işlərə oxşar fəaliyyətləri bəyənən və dəstəkləyən təşkilatlar olacaq.

Bunu diaqramınıza qiymətləndirmə sistemi və ya yaşıl və qırmızı işarələr sistemi, yaxud da işıqfor sistemi əlavə etməklə edə bilərsiniz. Ən münasib donor təşkilatları yuxarıda göstərməklə sətirləri yenidən tənzimləyin.

İdeal halda üç ən çox bal toplamış təşkilatı hədəf olaraq seçməlisiniz. Bir il ərzində onlara diqqət yetirin. Digərlərinə sonra keçin.