content
II Mühazirə. Tərəfdaşlıq münasibətləri
Güclü və keyfiyyətli tərəfdaşlıq münasibətlərinin qurulması həm asan, həm də çətindir. Bu, həyatda əsl dost tapmaq qədər əhəmiyyətlidir. İstənilən halda, siz beynəlxalq səviyyədə mədəniyyət və yaradıcılıq sektorlarında sizinlə fərqli üsullarla işləmək istəyəcək mütəxəssislər tapa bilərsiniz.

İlk növbədə, artıq tanıdığınız və ya dostlarınızın tanıdığı şəxslər haqqında düşünün. Ən yaxşısı işə başlayarkən tanışlarınızla və sizinlə birlikdə işləmiş şəxslərlə işləməkdir. Tanışlıq şəbəkənizin üzvləri haqqında düşünməyə və bütün İmkanların əks olunduğu Xəritəni tərtib etməyə çalışın. Həmçinin Yaradıcı Avropa layihələrində müxtəlif sahələr üzrə müxtəlif təşkilatlara birlikdə işləmək üçün dəstək verildiyini nəzərə alın.

Siz mümkün tərəfdaşlıq münasibətlərinin yaradılması üçün digər üsul və vasitələrdən də istifadə edə bilərsiniz.

Məsələn, fəaliyyət göstərdiyiniz sahədə mövcud olan ən yaxşı şəbəkələrə nəzər salın; onların amalının və fəaliyyətinin sizi nə dərəcədə maraqlandırdığını öyrənmək üçün onlarla əlaqə saxlayın. Eyni zamanda, siz Avropa İttifaqı, daha doğrusu, Yaradıcı Avropa proqramı tərəfindən maliyyələşdirilmiş ŞƏBƏKƏLƏRİN SİYAHILARIna da nəzər yetirmək istəyə bilərsiniz.

Bununla yanaşı, sizə öz ölkələrindəki təşkilatlar ilə əlaqə yaratmaq üçün kömək etməyə hazır olan bütün iştirakçı ölkələrin əksəriyyətində YARADICI AVROPA BÜROLARININ ŞƏBƏKƏSİnin olduğunu unutmayın.

Onların bəziləri tərəfdaşların AXTARIŞI üçün müxtəlif VASİTƏLƏR VƏ MƏLUMAT BAZALARI təklif edirlər.

Siz ölkənizdə fəaliyyət göstərən milli müəssisələrin nümayəndələri və ya MƏDƏNİYYƏT MƏSƏLƏLƏRİ ÜZRƏ ATTAŞELƏR ilə də görüşə bilərsiniz. Attaşelər sizə tərəfdaşların xəritəsini tərtib etməyə kömək edə biləcək və gələcəkdə də sizi istiqamətləndirəcək şəxslərdir.

Bununla yanaşı, Proqram çərçivəsində ARTIQ MALİYYƏLƏŞDİRİLMİŞ LAYİHƏLƏR və məlumatların yayılması üçün rəsmi platformanı da unutmayın. Böyük ehtimalla, onlar gələcəkdə də müraciət etməyə davam edəcəklər – bu səbəbdən də siz yalnız uğurlu layihələri araşdırmağı istəməyəcəksiniz, həmçinin , onlardan ilhamlanaraq həm də onlara qoşula bilərsiniz.

Mədəniyyət Forumu və digər beynəlxalq görüşlər kimi müxtəlif KONFRANSLAR yeni əlaqələrin və tərəfdaşlıqların qurulması baxımından müstəsna əhəmiyyətə malikdir.

Müraciət etmək hüququ olan ölkədən olan yaxşı və etibarlı bir tərəfdaşa sahib olmağın dostların dostlarının əlavə edilməsinə və Aİ layihəsi üçün güclü tərəfdaşlığın qurulmasına davam etmək üçün çox yaxşı bir başlanğıc nöqtəsi olduğunu unutmayın. 

Beynəlxalq komanda ilə işləməyə hazırlaşdığınızı və bir-birinizi daha yaxşı anlamaq və mədəniyyətlərarası dialoqdan zövq almaq üçün tərəfdaşınızın mənsub olduğu ölkənin mədəniyyəti, adət-ənənələri və digər mühüm xüsusiyyətləri barədə daha çox məlumat almaq istəyə biləcəyinizi nəzərə alın.

Dostlara bildirmək